16.6 C
Pontevedra
Xoves, 29 de Setembro de 2022
Máis
    HomeO CondadoPonteareasNace a plataforma cidadá 'Vivir Ponteareas'

    Nace a plataforma cidadá ‘Vivir Ponteareas’

    A recen creada plataforma ‘Vivir Ponteareas’, remitiu aos medios de comunicación un manifesto no que amosa, con claridade, o seu concepto de vila. Unha idea, por certo, que se segue dende hai tempo nos núcleos urbanos de Europa –independentemente do seu tamaño– que apostan pola máxima de “as cidades para as persoas”.

    Transfórmanse dese xeito as vilas e urbes en lugares amables e de convivencia cidadá no que priman os espazos verdes e a calidade de vida. Un concepto polo que, sen ir máis lonxe, hai tempo que apostaron as vilas fronteirizas de Portugal.

    O manifesto de ‘Vivir Ponteareas’ expresa, con rotundidade, o seu concepto de vila no que vivir. Precisamente pola importancia que ten e por esa claridade na exposición de conceptos, non nos resistimos a recollelo na súa integridade.

    Por unha nova vila para as persoas

    Ponteareas é a vila na que todos e todas nós decidimos vivir. Por iso aspiramos a que o lugar no que residimos, onde mercamos, onde traballamos, por onde paseamos ou no que criamos aos nosos fillos e fillas nos ofreza a maior a calidade de vida posible.

    As persoas que temos ese desexo común decidimos organizarnos na plataforma “Vivir Ponteareas” para lograr un obxectivo: converter Ponteareas nunha nova vila sustentable, saudable e máis humana, na que as persoas sexan as protagonistas.

    Durante décadas a vila concibiuse como un lugar pensado para os vehículos e non para as persoas. O coche apropiouse da maior parte do espazo público, mentres as persoas foron relegadas a espazos marxinais.

    Case o 80 % do espazo público en Ponteareas está destinado aos vehículos, mentres as persoas deben camiñar por beirarrúas estreitas e cheas de atrancos ou incluso pola calzada cando aquelas nin existen. O pouco espazo para as persoas incluso é ocupado por vehículos que estacionan sobre pasos de peóns, sobre beirarrúas, en prazas reservadas para persoas con mobilidade reducida ou en zonas peonís.

    É necesario cambiar por completo esta situación e recuperar o espazo público para as persoas, para a xente maior e os nenos e nenas, para as persoas con mobilidade reducida ou para os ciclistas. É urxente promover a mobilidade a pé e en bici en Ponteareas. É preciso cambiar os hábitos dos condutores e condutoras que saturan o centro usando o vehículo innecesariamente e por comodidade. Usar os aparcadoiros públicos e camiñar uns poucos minutos por unha vila tranquila ata o destino debe ser a nova forma de vivir Ponteareas.

    Nos últimos tempos o Concello ven realizando algunhas accións nesa dirección, pero son claramente insuficientes. É moi necesario e urxente ir a máis, ser máis ambiciosos. Por iso demandamos diante do goberno local:

    -A ampliación dos espazos para as persoas: máis zonas peonís e beirarrúas máis anchas, con mobiliario urbano para a estancia e o descanso das persoas e con zonas verdes sombreadas e axardinadas.

    • A eliminación das barreiras arquitectónicas que exclúen a numerosas persoas do acceso e desfrute do espazo público.
    • A mellora da seguridade, reducindo riscos en lugares como os pasos de peóns e reducindo a velocidade máxima permitida en zona urbana.
    • Maior vixilancia e actuación por parte da Policía Local para que os condutores e condutoras respecten os nosos dereitos como peóns ou como persoas con mobilidade reducida.
    • ncentivar e promover a mobilidade a pé e en bicicleta, ademais do transporte público. Levar a cabo estas medidas farán de Ponteareas unha vila mellor: máis accesible para todos e todas, máis humana e agradable, máis saudable e con menos contaminación acústica e atmosférica, máis confortable e máis sociable, favorecendo o encontro social, máis segura para as persoas, con máis e mellor actividade comercial e máis atractiva para todos e todas nós e para as persoas que nos visitan.

    Ponteareas é un lugar ideal para vivir se cambiamos a actual situación.

    Temos unha magnífica vila para camiñar ou para movérmonos en bicicleta: todo está moi preto, incluídos os aparcadoiros públicos, e apenas existen pendentes.

    Vivir Ponteareas’ anima ao Concello a actuar con decisión e valentía no obxectivo de converter ás persoas nas protagonistas da vila. E para iso queremos achegar as nosas ideas e as nosas propostas e, polo tanto, que se conte con nós á hora de realizar proxectos de humanización ou de adoptar medidas de regulación do uso do espazo público polas persoas e os vehículos.

    Compartimos as medidas tomadas nos últimos tempos de mellora dalgunhas rúas ou de redución do límite de velocidade no centro urbano dando prioridade na calzada aos peóns. Obras como a do Paseo Matutino, a nova praza do Mercado e Auditorio, que reclamamos como completamente peonil, e a rúa San Roque, pendente de finalización, son unha mostra do que Ponteareas necesita. Os proxectos de humanización xa aprobados como a Rúa Redondela, a Praza de Bugallal ou a contorna do complexo deportivo Álvaro Pino van na mesma dirección.

    Pero non nos conformamos e queremos máis e para conseguilo facemos un chamamento a todas as persoas que comparten este desexo a unirse a ‘Vivir Ponteareas’. Xuntos poderemos facer de Ponteareas un lugar ideal para vivir.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS