14.1 C
Pontevedra
Mércores, 21 de Febreiro de 2024
Máis
    HomeO CondadoPonteareasNa biblioteca municipal de Ponteareas ‘As cousas pequenas contan’

    Na biblioteca municipal de Ponteareas ‘As cousas pequenas contan’

    A biblioteca municipal de Ponteareas acolle este venres 16 unha nova actividade coa que fomentar a lectura entre a cativada dun xeito lúdico e atractivo. Ao abeiro do programa ‘Ler Conta Moito’ da Xunta de Galicia, a partir das 19.00 horas nenos de 5 a 12 anos poderán gozar coa actividade ‘As cousas pequenas contan’, de Julio Varela Aparicio.

    Trátase dun obradoiro no que se busca desenvolver a creatividade entre os rapaces e rapazas asistentes, así como introducilos na creación narrativa a través do audiovisual. Durante a actuación, o público sorprenderase cunha bolsa chea de obxectos que Julio Varela precisa para a súa viaxe e explicará a súa afección a crear historias a partir de cada un deles, para o que pedirá a axuda do público asistente.

    Cada neno e nena recibirá un obxecto coñecido e habitual nos fogares e deberá darlle personalidade, nome, características físicas… para crear un elenco de personaxes e animais imaxinarios crearán unha historia na que ditos personaxes serán os grandes protagonistas.

    Coas actividades do programa ‘Ler Conta Moito’ búscase promover entre o público dende ben cativos e cativas non só o interese pola lectura, senón tamén a comprensión oral en galego e o desenvolvemento da creatividade e a expresión artística.

    As persoas interesadas en participar nesta actividade deberán inscribirse ben a través do correo electrónico bibliotecamuseo@ponteareas.gal ou ben chamando ao teléfono 986 660 765.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.