10.2 C
Pontevedra
Venres, 29 de Marzo de 2024
Máis
    HomeO CondadoPonteareasMateo García e Alba Ortiz vencen na etapa final do circuíto galego...

    Mateo García e Alba Ortiz vencen na etapa final do circuíto galego de augas abertas

    A praia fluvial da Freixa acolleu este sábado, 17 de setembro, a etapa final do circuíto galego de augas abertas. Nela déronse cita os principais favoritos para a vitoria final do circuíto, que se desenvolveu durante este verán e visitou diferentes localidades de Galicia.

    En mulleres, a proba de 2500 metros foi dominada de principio a fin pola nadadora xixonesa do CNPonteareas Alba Ortiz de Guinea. Acompañárona no podium a tamén pontereana Carla Faro e en terceiro lugar a nadadora do CNArteixo Alba Gómez.

    Entre os mozos, Lucas Costa e Mateo García destacáronse nos primeiros metros e xogáronse a vitoria na segunda parte do percorrido. A vitoria final caeu ao lado do nadador de Arteixo Mateo García, completando o pódium Lucas Costa e Marcos Martínez, ambos os do club do condado.

    Tras a disputa de todas as etapas, Lucas Costa e Alba Ortiz, ambos os do CNPonteareas facíanse coa vitoria absoluta do circuíto.

    Nas diferentes categorías máster tamén se decidiron as posicións finais do circuíto, vencendo Marcos do Río e Rosalía García en categoría máster-1, David Rodríguez e Verónica Redondo en categoría Máster-4, Ramón Vázquez e María del Mar Terceiro en máster-3 e Manuel Monroy e Dores Sar en máster-4.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.