13.8 C
Pontevedra
Martes, 27 de Febreiro de 2024
Máis
    HomeO CondadoPonteareasMaría Xosé Porteiro presentará “Sándalo” no Museo Municipal de Ponteareas

    María Xosé Porteiro presentará “Sándalo” no Museo Municipal de Ponteareas

    A escritora, política e xornalista falará dunha novela coa que percorre 200 anos de historia entre Europa e América

    O Museo Municipal de Ponteareas acollerá, o vindeiro venres ás 19.00 horas, a presentación da novela “Sándalo” de María Xosé Porteiro, publicada por Editorial Galaxia. A escritora, política e xornalista falará dunha obra coa que percorre 200 anos de historia entre Europa e América, Cuba e Galicia, emigración e inmigración. 

    A novela arranca en 1823 ca execución do comandante Rafael del Riego, protagonista da sublevación de 1820. A partir de aí empezar a mesturar historias relacionadas cas guerras de independencia e cambios sociais que suceden ao mesmo tempo en Galicia e Cuba. Fitos heroicos, Ulises galaicos, orixas afrocubanas, secretas sociedades de figuras públicas, independencias políticas e pendencias eróticas, saltan de tempo e lugar nunha viaxe emocionante con corpo de relato estimulante dos sentidos e dos sentimentos, para facernos cómplices da relación antiga e inmorrente de dous universos unidos pola Corrente do Golfo.

    A actividade está organiza por Si Radio e a Biblioteca Municipal. O concelleiro de Cultura, Fernando Groba, “convida a toda a veciñanza a asistir”, e lembra que para participar neste evento é necesaria a inscrición previa na propia biblioteca, chamando ao 986 660 765 ou a través do enderezo electrónico bibliotecamuseo@ponteareas.gal.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.