17.1 C
Pontevedra
Domingo, 17 de Outubro de 2021
Máis
    HomeO CondadoPonteareasLuis López e Cristina Fernández visitan a Área de Rehabilitación Integral de...

    Luis López e Cristina Fernández visitan a Área de Rehabilitación Integral de Ponteareas

    A rexedora, Cristina Fernández Davila, destaca a importancia deste recoñecemento para a recuperación e rehabilitación do núcleo histórico da vila

    A alcaldesa de Ponteareas, Cristina Fernández Davila, visitou hoxe acompañada do delegado territorial da Xunta en Pontevedra, Luis López Diéguez, e do xefe territorial de Medio Ambiente, José Manuel González, a recentemente declarada Área de Rehabilitación Integral de Ponteareas. Trátase da primeira zona con este recoñecemento do concello, unha zona de 92.875 metros cadrados que ocupa o núcleo histórico da vila e que beneficiará a un total de 518 vivendas agrupadas en 74 edificios de uso residencial colectivo e 133 vivendas unifamiliares, así como 5 edificios de equipamentos e 16 destinados a outros usos.

    Na visita a rexedora explicou a López Diéguez que “catalogar o núcleo histórico como ámbito ARI supón dar un paso máis na recuperación desta zona tan emblemática de Ponteareas, unha zona vella moi degradada, con numerosas vivendas desocupadas e nun deficiente estado de conservación”. “Queremos poñer en valor o noso núcleo histórico, recuperando as súas edificacións, adaptando á contorna ás necesidades funcionais actuais e sentando as bases para a súa proxección futura. Un futuro no que urbanismo e política social irán da man, porque para nós é fundamental contar cunha Ponteareas accesible na que toda a veciñanza poida desfrutar en igualdade dos espazos urbanos, dos equipamentos e das instalacións públicas”, recalcou Fernández Davila.

    O Concello de Ponteareas apostou por conseguir a declaración de zona ARI do núcleo histórico “como parte da estratexia marcada para dinamizar o núcleo urbano, o que supón unha mellora indiscutible da calidade de vida das persoas e a recuperación de espazos públicos e privados”. Para a rexedora, este recoñecemento “axudará á recuperación urbanística do núcleo histórico e favorecerá a creación de emprego”. Unhas medidas nas que tamén se encadra a adquisición dun edificio na Praza maior que se destinará a servizos municipais para a veciñanza.

    Como recolle o informe presentado á Xunta, o custo estimado polo Concello das actuacións de rehabilitación residencial necesarias neste ámbito ascende ata case os 46 millóns de euros á que habería que sumar outro 4,9 millóns para as obras de reurbanización, algunhas delas xa en marcha ou en trámite. Tendo en conta as axudas de tata 24.000 euros para o arranxo das vivendas das que poden beneficiarse as persoas propietarias dentro da zona ARI, calcúlase que Ponteareas podería recibir nos vindeiros anos ata 12,4 millóns de euros en achegas públicas para investir na recuperación e rehabilitación das edificacións.

    Para facilitar o acceso a estas axudas, Ponteareas porá en marcha unha oficina municipal de rehabilitación ARI, que estará situada de forma provisional na Casa do Concello. Nesta oficina as persoas interesadas en solicitar algunha das subvencións poderán, entre outras cousas, solicitar asesoramento técnico, pedir información sobre as axudas dispoñibles ou acceder á documentación técnica necesaria.

    O ámbito do ARI en Ponteareas organízase arredor de dúas prazas da vila, a Praza Maior e a Praza de Bugallal, que compoñen o centro da Área de Rehabilitación Integral. Dende aí a zona ARI medra comezando dende o sur, os Xardíns da Xiralda, a Casa do Concello e a Praza de Bugallal, a conexión entre ambos espazos pola Avenida da Constitución e a contorna da Igrexa. A continuación está a conexión entre ambas prazas principais, incluíndo así tamén a Rúa de Oriente e a Rúa da Esperanza.

    Un punto importante do núcleo histórico é a Praza Maior e as rúas que saen dende ela para conectala con distintos espazos da vila. As rúas traseiras da Praza Maior, xunto coa Rúa dos Ferreiros forman outro espazo cun carácter propio, e de grande importancia no ámbito. A Rúa dos Ferreiros prolóngase cara o sur coa Rúa do Doutor Fernández Vega, que remata o ámbito antes da Praza de Abastos. Finalmente, a parte máis ao norte da zona ARI será a Rúa Real, que corresponde ao paso da N-120 pola vila. Na zona onde esta rúa desemboca dende a Praza Maior indo pola Baixada de San Gregorio atópanse uns edificios históricos con clara necesidade de rehabilitación.

    COLABORACIÓNS

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    ¡Ponga un volcán en su vida!

    Las generaciones actuales, sin lugar a dudas, van tener bastante que contarles a sus nietos. Hemos vivido una fuerte crisis económica (la de las famosas subprime), hemos padecido, y seguimos sufriendo, la primera gran epidemia global del siglo y ahora, además, tenemos el "maravilloso" espectáculo del volcán de La Palma, algo que no se podía ver en nuestro país desde hace muchos años, así que para llevar poco más de 21 años de siglo, pues no está nada mal, pero como sigamos a este ritmo...

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    13 POSTS0 COMMENTS
    Roberto Mera
    2 POSTS0 COMMENTS