11.4 C
Pontevedra
Domingo, 19 de Maio de 2024
Máis
    HomeO CondadoPonteareasFinaliza o ciclo 'Abril, mes do libro' en Ponteareas

    Finaliza o ciclo ‘Abril, mes do libro’ en Ponteareas

    A presentación será este mércores 26 ás 20.30 horas na sala multiúsos

    O ciclo de presentacións literarias ‘Abril, mes do libro’ chega esa semana ao seu fin cunha nova proposta que porá o broche de ouro a unha iniciativa coa que o Concello busca achegar ao público obras de escritores e escritoras da comarca ou vinculadas á vila de Ponteareas e que forma parte da programación coa que conmemorar o Día Mundial do Libro.

    Este mércores 26 de abril o encargado de subirse ao escenario será o xeólogo Óscar Pazos Rodríguez, que presentará o seu libro ‘A invención da Gallaecia e a minaría de ouro. Unha tese sobre as orixes de Galicia’, unha obra que permite comprender como Galicia se converteu na gran mina de ouro do Imperio Romano e a importancia que isto tivo para a paisaxe.

    Pazos comezou en 2013 a investigar as pegadas da minaría galaico-romana na zona do Baixo Miño como parte da súa investigación xeo-arqueolóxica da cavada do Rego da Serpe, situada nas illas Cíes. Foi facendo este estudo cando atopou unha chea de minas, indicios e pegadas mineiras descoñecidas, sen documentar ou mal interpretadas, polo que decidiu escribir esta obra na que sintetiza os principais achados que realizou ao longo destes anos de traballo.

    A presentación terá lugar ás 20.30 horas na sala multiúsos do auditorio municipal con entrada libre ata completar aforo. O concelleiro de Cultura, Fernando Groba, convida a toda a veciñanza a gozar do peche de ‘Abril, mes do libro’, e quere agradecer a súa presenza “a todas as persoas que nos acompañaron ao longo destas semanas na presentación de obras cativadoras de notables autores”. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.