14.6 C
Pontevedra
Domingo, 25 de Febreiro de 2024
Máis
    HomeO CondadoPonteareas'Estou na corentena', revoluciona as redes sociais con 10.000 reproducións nunha hora

    ‘Estou na corentena’, revoluciona as redes sociais con 10.000 reproducións nunha hora

    A versión do coñecido tema 'Estou na lavarora' dos ponteareáns 'O Caimán do Río Tea', está interpretada por grupos e artistas ponteareáns que se sumaron a esta iniciativa

    A concellería de Cultura, que dirixe Fernando Groba, lanzou onte nas redes sociais facebook e twitter unha nova versión do afamado tema ‘Estou na lavadora’ orixinaria do grupo ponteareán ‘O Caimán do Río Tea’. Grupos e artístas de Ponteareas uníronse para crear e interpretar esta nova versión que arrasou nas redes sociais conseguindo máis de dez mil visualizacións en tan só unha hora.

    ‘Estou na corentena’ é o título desta divertida versión na que participan integrantes dos grupos O Caimán do río Tea, SonDaRúa, Sulfatar, Skandalo GZ, Max Power, School e artistas como Tonhito de Poi, Chico López, Duke Sam e Baby Jane.

    O concelleiro de Cultura e o concelleiro de Mocidade, Miguel Bouzó, destacan a boa acollida deste videoclip que onte pola noite fixo bailar ás familias ponteareás e de toda Galicia cunha versión dun tema que acadou o éxito da man do programa de Televisión de Galicia, ‘Xabarín Club’.

    ‘Estou na corentena’ pódese escoitar nas páxinas de facebook Concello de Ponteareas e Cultura e Turismo Ponteareas e no twitter @ponteareas_gal e @visitponteareas

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.