13.7 C
Pontevedra
Sábado, 18 de Maio de 2024
Máis
    HomeO CondadoPonteareasEsta fin de semana celebrarase o IV Festival de Bandas Infantís de...

    Esta fin de semana celebrarase o IV Festival de Bandas Infantís de Xinzo

    Este sábado 22 de abril celébrase o IV Festival de Bandas Infantís de Xinzo co que os músicos máis pequenos volverán ser os protagonistas un ano máis. A cita terá lugar no auditorio do Centro Cultural da parroquia pontareana ás 18:00 h e, nesta nova edición do festival, será a Banda Infantil de Valladares a que acompañará á anfitrioa Banda da Escola de Música de Xinzo.

    Despois de tres anos de parón por mor da pandemia, este festival puido celebrar a súa terceira edición o ano pasado, aínda que con restricións como a participación unicamente das dúas bandas de música máis pequenas da parroquia. Polo que, a diferenza do ano pasado, nesta ocasión regresa a plena normalidade ao Festival de Bandas Infantís coa invitada agrupación de Valladares e continuarase así coa que xa se converteu nunha cita ineludible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.