12.8 C
Pontevedra
Domingo, 27 de Novembro de 2022
Máis
    HomeO CondadoPonteareasDescubre os segredos que agochan os nomes das parroquias ponteareás este mércores...

    Descubre os segredos que agochan os nomes das parroquias ponteareás este mércores 9 de novembro na sala multiúsos

    Ponteareas acolle este mércores 9 de novembro a campaña ‘Toponimízate! Falámosche dos nomes da túa terra’, unha actividade do proxecto Galicia Nomeada coa que se procura chamar a atención sobre o perigo que corre a toponimia tradicional e se busca a persoas que colaboren coa iniciativa. Ás 20.00 horas, a sala multiúsos do auditorio municipal será o escenario no que Vicente Feijoo Ares, especialista en toponimia do Seminario de Onomástica da Real Academia Galega e coordinador técnico do proxecto, dará unha interesante charla que contará tamén coa presenza da alcaldesa, Cristina Fernández Davila.

    “Dende o Concello estamos moi interesados en participar nos traballos que permitan salvagardar a microtoponimia ponteareá. Queremos unir esforzos e, entre todos e todas, recompilar toda a información toponímica posible para que poida incluírse tamén no bando de datos da toponimia galega”, explica o concelleiro de Lingua, Fernando Groba. O edil sinalou que esta iniciativa completa a posta en marcha polo Concello de Ponteareas en 2021 en colaboración co Instituto de Estudos Miñoráns para salvagardar os nomes tradicionais de terras e montes da vila.

    Colaborar coa campaña ‘Toponimízate!’ permitirá ao Concello “traballar cunha metodoloxía común e definida para que toda esta información cultural estea dispoñíbel nun mesmo visor, xeorreferenciada e normativizada, de xeito que permita o seu aproveitamento desde un punto de vista profesional ou lúdico para todos os galegos e galegas”.

    A través desta charla, Vicente Feijoo ademais de sensibilizar ás persoas asistentes na urxencia de recoller este patrimonio inmaterial ante a súa alarmante perda nas últimas décadas, ensinará a todas e todos os participantes os topónimos e a tradición oral vinculada a eles na plataforma Galicia Nomeada, que ata a data só recibiu unhas 50 achegas públicas de Ponteareas. Ademais ensinaralles a achegar fotos, audios, vídeos, documentos… sobre un topónimo, facer suxestións sobre outros ou consultar a toponimia recollida por toda Galicia. Na segunda parte da charla, o público poderá descubrir as historias que agochan os nomes das súas parroquias e aldeas. Estas etimoloxías contan coa contribución de Gonzalo Navaza, membro do Seminario de Onomástica e novo académico numerario da Real Academia Galega. Así, falarán sobre a etimoloxía do nome da propia vila, Ponteareas, que fai referencia á existencia dunha antiga ponte sobre o río Tea situada na parroquia de Areas. Pero tamén abordarán outros nomes con referencia a un tipo de terreo areento, como o das parroquias de Arnoso ou Areas ou de aldeas como O Cribeiro.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS