17.7 C
Pontevedra
Xoves, 23 de Maio de 2024
Máis
    HomeO CondadoPonteareasDamián Copena presenta o seu traballo sobre comunidades de montes, gañador do...

    Damián Copena presenta o seu traballo sobre comunidades de montes, gañador do VIII Premio Fermín Bouza Brey

    Será este venres 26 de novembro no salón de plenos do Concello. As persoas interesadas en asistir deberán inscribirse en bibliotecamuseo@ponteareas.gal ou no 986 660 765

    O mestre Damián Copena, veciño de Ribadetea e profesor de Economía da Universidade de Oviedo, estará este venres 26 de novembro en Ponteareas presentando o traballo que resultou galardoado co VIII Premio de Investigación Fermín Bouza Brey. O acto será ás 20.30 horas no salón de plenos do Concello, onde Copena falará sobre o ‘Manexo comunitario dos recursos naturais: pasado, presente e futuro dos montes veciñais en man común de Ponteareas’.

    O concelleiro de Cultura, Fernando Groba, anima a toda a veciñanza a participar na presentación desta interesante investigación, nomeadamente a aquela que está vinculada ou interesada na xestión dos baldíos ou montes en man común. O traballo, premiado con 3.000 euros, afonda no importante papel das comunidades de montes e do relevante valor da materia prima e ben común que xestionan. O xurado destacou os obxectivos realistas do proxecto, a súa gran profundidade científica, a importancia da economía ecolóxica e a posta en valor dos baldíos de Ponteareas.

    A importancia dos premios de investigación Fermín Bouza Brey é, precisamente, “visibilizar traballos e estudos relevantes con base científica, rigorosos e mesmo aplicábeis á mellora do noso día a día”, salienta o edil. Este galardón está aberto a proxectos de investigación dos ámbitos da historia, arqueoloxía, etnografía, literatura ou ciencias sociais que teñen como referente o municipio ponteareán e, de forma complementaria, a comarca do Condado.

    As persoas interesadas en asistir deberán inscribirse chamando ao 986 669 765 ou enviando un correo ao enderezo electrónico bibliotecamuseo@ponteareas.gal. A presentación do traballo será retransmitida por streaming a través da páxina de Facebook e da canle de Youtube do Concello.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.