8.9 C
Pontevedra
Venres, 29 de Marzo de 2024
Máis
    HomeO CondadoPonteareasAta o 15 de decembro poderase participar no I Concurso de...

    Ata o 15 de decembro poderase participar no I Concurso de relatos ilustrados

    A concellEría de Cultura premiará o talento da escrita e tamén o da ilustración

    A Concellería de Cultura, que dirixe Fernando Groba, en colaboración coa Federación de Comercio Banastra, organiza un concurso de relatos ilustrados de Nadal para espertar a creatividade da veciñanza e descubrir os novos talentos das letras e da ilustración.

    Os relatos terán como máximo 500 palabras e estarán relacioandos co Nadal e ambientados no Concello de Ponteareas.

    As bases establecen tres categorías en función da idade dos/as autores/as:

    1. Categoría infantil, de 9 a 13 anos

    2. Categoría xuvenil, de 14 a 18 anos

    3. Categoría adulto, maiores de 18 anos

    As creacións escritas en lingua galega deberán ir acompañados de calquera tipo de ilustracións (debuxos, fotografías ou decoracións) elaboradas polos/as autores/as.

    Cada participante só pode enviar un relato antes do 15 de decembro a auditorio@ponteareas.gal.

    As 10 mellores obras publicaranse no Facebook Cultura e Turismo (@visitponteareas) e haberá  tres gañadores en cada categoría.

    Categoría infantil:

    1.º premio: unha tableta máis diploma acreditativo

    2.º premio: material deportivo máis diploma acreditativo

    3.º premio: altofalante con mp3 máis diploma acreditativo

    Categoría xuvenil:

    1.º Premio: vale de 100 €, cambiábel en comercios adscritos a Banastra, máis diploma acreditativo

    2.º Premio: vale de 75 €, cambiábel en comercios adscritos a Banastra, máis diploma acreditativo

    3.º Premio: vale de 50 €, cambiábel en comercios adscritos a Banastra, máis diploma acreditativo

    Categoría adulta:

    1.º Premio: vale de 100 €, cambiábel en comercios adscritos a Banastra, máis diploma acreditativo

    2.º Premio: vale de 75 €, cambiábel en comercios adscritos a Banastra, máis diploma acreditativo

    3.º Premio: vale de 50 €, cambiábel en comercios adscritos a Banastra, máis diploma acreditativo

    Os premios son cedidos pola Federación de Comercio Banastra e entregaranse durante unha actividade cultural do Nadal 2020, sempre que as restricións sanitarias pola Covid-19 o permitan.

    Fernando Groba Bouza, Concelleiro de Cultura, invita a toda veciñanza a participar neste concurso para que todos gocemos do espírito do Nadal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.