13 C
Pontevedra
Martes, 19 de Marzo de 2024
Máis
    HomeO CondadoPonteareasAs obras de mellora da eficiencia enerxética do Centro de Día de...

    As obras de mellora da eficiencia enerxética do Centro de Día de Ponteareas, a piques de comezar

    O Concello segue coa súa aposta clara por mellorar os servizos e instalacións municipais ao tempo que traballa para transformar Ponteareas nunha vila máis sustentable. Neste camiño, a alcaldesa, Cristina Fernández Davila, asinou este martes xunto a Jonathan López, redactor do proxecto técnico e director de obra, e Marcos Veloso, representante da empresa adxudicataria Impervelper a acta de replanteo que autoriza o inicio das obras de mellora da eficiencia enerxética do Centro de Día, situado na rúa Santa Ana.

    “Este proxecto forma parte da estratexia planificada que desenvolvemos dende o Concello para converter os edificios públicos en inmobles máis sustentábeis. Con esta sinatura comeza á recta final dun proxecto co que buscamos mellorar o confort dos usuarios e usuarias ao tempo que realizamos todos os traballos necesarios para unha mellora na conservación do edificio, no acondicionado interior e exterior do inmoble e no illamento térmico, o que derivará nunha redución do consumo anual de enerxía non renovábel”, asegurou a rexedora.

    Os traballos de reforma para esta mellora da eficiencia enerxética terán un prazo de execución de 4 meses e suporán un investimento de máis de 47.000 euros cofinanciados polo Fondo Europeo de Desenvolvemento Rexional (FEDER) a través do programa EDUSI ‘Ponteareas, Hábitat Saudábel’.

    A través destas obras, o Goberno municipal do BNG-PSOE mellorará as condicións actuais das dependencias destinadas a Centro de Día levando a cabo a limpeza e reparación da fachada, o levantamento e instalación da carpintaría exterior e o illamento da fachada mediante sistema ETICS e do falso teito con lá mineral, así como a renovación da pintura interior.

    Con esta e todas as actuacións de mellora da eficiencia enerxética que se están a realizar dos edificios municipais, como sinala a segunda tenente de alcaldesa, Chus Garrote,  “Ponteareas situarase nun dos estándares de sustentabilidade máis altos fixados pola Unión Europea, seguindo os obxectivos da estratexia ‘Ponteareas, Hábitat Saudábel’”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.