17.6 C
Pontevedra
Xoves, 29 de Setembro de 2022
Máis
    HomeO CondadoPonteareasAs ‘Naturezas Doentes’ de Manuel Pizcueta poñen o broche de ouro á...

    As ‘Naturezas Doentes’ de Manuel Pizcueta poñen o broche de ouro á programación do Mes do Libro en Ponteareas

    Alfonso Pexegueiro e Xabier Alcalde presentarán a obra este venres 6 de maio ás 20.00 h na sala multiúsos do auditorio municipal

    Ponteareas pecha esta semana o ciclo de presentacións para conmemorar o mes do libro con Manuel Pizcueta e a súa obra ‘Naturezas Doentes’. O poeta ponteareá Alfonso Pexegueiro e o escritor cangués Xabier Alcalde presentarán a obra gráfica deste artista  este venres 6 de maio a partir das 20.00 horas na sala multiúsos do auditorio municipal nun acto con entrada libre ata completar aforo.

    O público poderá coñecer os pormenores dun libro concibido como unha experiencia que pretende indagar na posibilidade dunha conxunción de linguaxes que, a pesar de pertencer a ámbitos diferentes, poidan xerar espazos de sentido compartidos. Coa obra, Manuel Pizcueta pon en escena, sobre a luz turbia dos sonos, a disolución dos perfís do real como experiencia que extrae da vertixinosa degradación do orgánico e da delirante proliferación do fragmentado, unha fusión cromática que evoca un mundo en descomposición, anegado pola liquidez putrefacta dunha contemporaneidade asolada.

    Nesta proposta paisaxística que envolve o existencial e o mundano cohabitan inquietantes reflexións do propio Alfonso Pexegueiro, a sutil mirada poética de Xosé María Álvarez Cáccamo e o propósito entre filosófico e literario de Xabier Alcalde.

    O concelleiro de Cultura, Fernando Groba, convida a toda a veciñanza a participar na última actividade da iniciativa ‘Abril, mes dos libros’, un ciclo de presentacións de obras de escritores e escritoras da comarca ou vinculadas á vila con Ponteareas co que o Concello conmemorou o Día Mundial do Libro e do Dereito de Autor. O obxectivo era poñer en valor a época de pleno esplendor de creación literaria que se vive en Ponteareas e Galicia, “coa aparición de novas autoras e autores cun gran potencial e moita ilusión que debemos dar a coñecer a toda a veciñanza”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS