7.4 C
Pontevedra
Luns, 12 de Abril de 2021
More
    HomeO CondadoPonteareasAlfombristas de Ponteareas deseñarán e participarán na elaboración da 'Flower Carpet' de...

    Alfombristas de Ponteareas deseñarán e participarán na elaboración da ‘Flower Carpet’ de Bruxelas

    A Asociacion de Alfombristas do Corpus Christi de Ponteareas vén de conseguir que o Concello de Bruxelas aprobe o proxecto sobre o ‘Camiño de Santiago’ presentado pola asociación ponteareá para o deseño da alfombra floral de 1.800 m2 que cubrirá a Grand Place de Bruxelas entre os días 13 e 16 de agosto de 2020, cun deseño elaborado por Andrea Estévez Fernández e Miguel Angel Garcia Correa.

    O deseño plasma elementos típicos do Camiño de Santiago, pois o ano 2021 será Ano Santo Xacobeo, e o Camiño de Santiago percórreno todos os anos centos de miles de peregrinos chegados de todas as partes do mundo. Isto supón unir a Bruxelas, capital de Europa, e a Santiago de Compostela, capital espiritual de Europa. Dúas cidades que viven ao redor dun praza, a Grand Place e a Praza do Obradoiro, e un camiño que as une.

    O Ano Santo Xacobeo inaugúrase coa cerimonia de apertura da Porta Santa o 31 de decembro do 2020. “Queremos pois, que a Brussels Flower Carpet 2020 sexa esa porta simbólica que inaugure o próximo Ano Santo Xacobeo en toda Europa”, apuntan dende a Asociación de Alfombristas do Corpus Christi de Ponteareas que subliñan o feito de que, con esta iniciativa, “tamén unimos dúas tradicións de alfombristas, a Brussels Flower Carpet, o soño de Etienne Stautemas, e a tradición bicentenaria das alfombras que para o Corpus Christi fanse en Ponteareas”.

    A Asociacion de Alfombristas do Corpus Christi de Ponteareas quixo agradecer “o apoio incondicional da Xunta de Galicia e do conselleiro de Cultura e Turismo, Román Rodríguez González; da directora de Turismo de Galicia, Maria Nava Castro Domínguez; a comisaria do Xacobeo 2021, Cecilia Pereira Marimón; a directora da Fundación Galicia Europa, con sede en Bruxelas, Ana Ramos Barbosa; do parlamentario galego, Francisco Millan Mon, e do Concello de Ponteareas por crer todos no noso proxecto”.

    Finalmente a Asociación ten hoxe unha especial lembranza para “Xiana Vilar Sopeña, bolseira da Fundación Galicia Europa, tristemente falecida, quen nos axudo e orientou na consecución deste soño”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS