16.5 C
Pontevedra
Xoves, 20 de Xuño de 2024
Máis
    HomeO CondadoPonteareasADENCO solicita ao Concello de Ponteareas a creación dun Consello Municipal de...

    ADENCO solicita ao Concello de Ponteareas a creación dun Consello Municipal de Medio Ambiente

    O grupo ecoloxista considera "fundamental" implicar á cidadanía na xestión municipal "dun xeito activo e vinculante"

    O Grupo Ecoloxista ADENCO vén de solicitarlle ao Concello de Ponteareas a creación dun Consello Municipal de Medio Ambiente, un órgano do que farían parte entidades sociais e persoas a título individual do concello e que analizaría diferentes cuestións ambientais, con decisións e propostas vinculantes para o Goberno de turno.

    ADENCO lembra que a situación que vivimos a raíz da pandemia provocada pola COVID-19 “obrigou a mudar moitas das nosas costumes, obrigounos a mudar a nosa relación coa nosa cidadanía e, pensamos, logo dunha fonda reflexión dentro do colectivo, que tamén debe obrigar a mudar, dunha vez por todas, a nosa relación co Medio”. Neste proceso de mudanza considera o colectivo ecoloxista que non se debe esquecer “que é fundamental contar coa cidadanía e colectivos sociais, un tecido social que leva anos comprometido nos diferentes eidos nos que desenvolve o seu traballo”.

    O grupo ecoloxista propón, polo tanto, a creación “urxente” dun Consello Municipal do Medio Ambiente do Concello de Ponteareas, un órgano que se deberá dotar dun regulamento no que estipule o seu modo de funcionamento, os seus integrantes e “o carácter vinculante das súas decisións” algo indispensable para traballar correctamente. “De nada serviría reunirse, traballar, debater, chegar a acordos e crear sinerxias –apunta ADENCO– se logo a administración non obedece os acordos alcanzados cando, evidentemente, a propia entidade local formaría parte do propio Consello”.

    Desde o Grupo Ecoloxista ADENCO consideran “que estamos no momento de pór sobre a mesa a creación deste órgano, que nun concello da entidade de Ponteareas xa debería existir” xa que promovería a participación activa de colectivos e persoas a título individual na xestión da res pública, algo fundamental nas democracias modernas. “Debemos pasar do dereito a votar e chegar ao dereito a participar e decidir”, afirma o colectivo.

    “Estamos, tamén, segundo a nosa modestísima opinión, no momento oportuno para arrincar os trámites precisos para a creación deste órgano. Existen outros modelos noutros concellos que poden ser exemplo, estamos nun momento no que o comezo do curso 2020/2021 pode ser propicio para que a cidadanía se sume a accións como estas”, conclúe ADENCO.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.