test
11.8 C
Pontevedra
Martes, 28 de Maio de 2024
Máis
    HomeO CondadoPonteareasAberta a inscrición para os cursos de lingua galega preparatorios dos certificados...

    Aberta a inscrición para os cursos de lingua galega preparatorios dos certificados Celga

    O Concello de Ponteareas informa da apertura da nova convocatoria de cursos de lingua galega preparatorios para obter a certificación dos Celga 2, Celga 3 e Celga 4, convocados pola Secretaría Xeral de Política Lingüística.

    Estes curso, que serán gratuítos, desenvolveranse en liña e tamén de forma presencial. As persoas que desexen participar en calquera destes cursos deberán cubrir a solicitude de inscrición a través da páxina web https://formacion-lingua.xunta.gal. O prazo de presentación de solicitudes estará aberto ata o vindeiro 3 de marzo de 2023.

    Todas as persoas interesadas que precisen máis información sobre calquera destes cursos pode dirixirse ao Servizo de Normalización Lingüística do Concello de Ponteareas para recibir información detallada sobre estas accións formativas.

    O concelleiro de Lingua, Fernando Groba, anima a toda a veciñanza a sumarse a esta nova convocatoria de formación e destaca a importancia destes cursos, xa que supoñen “unha grande oportunidade para mellorar no uso da nosa lingua e poder obter un título imprescindíbel para acceder, por exemplo, a un proceso de oposición en Galicia”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.