16.8 C
Pontevedra
Martes, 18 de Maio de 2021
Máis
    HomeO CondadoPonteareasA Xunta presenta ao Concello de Ponteareas unha proposta para a mellora...

    A Xunta presenta ao Concello de Ponteareas unha proposta para a mellora e cesión da xestión da estación de autobuses

    A Consellería de Infraestruturas e Mobilidade ofrece achegar algo máis do 30 % do investimento das obras de mellora, preto de 160.000 €, e ceder a concesión da estación por un prazo de 10 anos, prorrogable ata un máximo de 25 anos

    A Consellería de Infraestruturas e Mobilidade presentou hoxe ao Concello de Ponteareas a proposta de convenio de colaboración no que se sustentará a mellora da estación de autobuses do municipio, ademais da cesión da súa xestión á Administración local para fins relacionados co labor municipal.

    Técnicos do departamento da Dirección Xeral de Mobilidade mantiveron esta mañá un encontro de traballo cos representantes do Concello de Ponteareas, para abordar as actuacións proxectadas pola Xunta para o acondicionamento da terminal de autobuses, que se estima suporá un investimento conxunto de case 535.000 euros.

    O obxecto deste convenio é executar as obras necesarias de acondicionamento da estación do municipio e outorgar ao Concello a explotación da terminal de autobuses e o uso destas dependencias.

    A proposta presentada hoxe establece que a Consellería de Infraestruturas e Mobilidade tan só achegaría o 30 % do investimento das obras de mellora, preto de 160.000 euros, e o Concello de Ponteareas tería que poñer o 70 % restante, preto de 375.000 euros.

    A Xunta, ademais, redactou o proxecto das reformas e redactará o de explotación da infraestrutura, que se incluirá no convenio.

    A proposta de colaboración, segundo a Xunta, “dá resposta á solicitude do Concello de Ponteareas para a explotación do conxunto da estación de autobuses e inclúe a concesión de dominio público sobre os terreos e as instalacións da terminal por un prazo de 10 anos, prorrogable por períodos de 5 anos ata un máximo de 25 anos”.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS