24.5 C
Pontevedra
Venres, 19 de Xullo de 2024
Máis
    HomeO CondadoPonteareasA Xunta apoia a 55 edición do concurso de gaitas de Ponteareas

    A Xunta apoia a 55 edición do concurso de gaitas de Ponteareas

    Imaxe de arquivo

    A xerente da Fundación Artesanía de Galicia, Elena Fabeiro, asistirá mañá á entrega de premios do Concurso Rexional de Gaitas do País, o certame máis antigo de Galicia destas características que se celebra na localidade pontevedresa de Ponteareas, un evento consolidado como un referente no panorama da música tradicional. 

    Como é habitual, a Xunta de Galicia colabora co Concello de Ponteareas neste certame, a través duns premios Artesanía de Galicia para a agrupación que resulte gañadora. O galardón consiste nunha gaita elaborada polo obradoiro Gaitas Gil (Ponteareas), así como un tamboril elaborado por Sanín Percusión Tradicional (Santiago de Compostela). Con estes premios búscase apoiar os construtores artesanais de instrumentos musicais tradicionais galegos e facer promoción do labor e da calidade dos obradoiros artesáns.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.