A Unidade de Doazón de Sangue estará o vindeiro venres 15 e sábado 16 na avenida de Galicia, en Ponteareas. En horario de mañá e tarde o venres e só de mañá o sábado a unidade móbil atenderá a todas as persoas que desexen compartir saúde.
- Venres, 15 de xaneiro: de 10:00 a 14:00 e 16:30 a 21:00 horas
- Sábado, 16 de xaneiro: de 10:00 a 15:00 horas
A Axencia Galega de Sangue, Órganos e Tecidos é un organismo público dependente da
Consellería de Sanidade que engloba o centro de transfusión de Galicia. Entre os seus obxectivos atópase a subministración de compoñentes sanguíneos a todos os hospitais de Galicia de acordo coas súas necesidades.
Cada día ADOS despraza dez unidades móbiles e mantén abertos sete puntos fixos de doazón nos principais hospitais, na procura de doazóns de sangue que despois son procesadas e preparadas para atender aos enfermos que as precisen.
No desenvolvemento do seu traballo resulta imprescindible o apoio de todas as entidades que conforman a nosa sociedade, entre elas os concellos que facilitan a colaboración das súas
veciñas e veciños.
Na situación actual, na que necesariamente debemos gardar certas prevencións sociais
encamiñadas a preservar a saúde de todos, traballamos con cita previa para escalonar a afluencia de doadores, evitando esperas.