8.7 C
Pontevedra
Xoves, 28 de Marzo de 2024
Máis
    HomeO CondadoPonteareasA ponteareá Iria Lemos, bronce na Copa de España de natación en...

    A ponteareá Iria Lemos, bronce na Copa de España de natación en augas abertas

    A nadadora do CNPonteareas completou a semana co primeiro posto por equipos coa selección española na Mediterranean Open Water Swimming Cup de Chipre

    O concelleiro de Deportes, Miguel Bouzó, quere trasladar os parabéns do goberno local a Iria Lemos, do Club Natación Ponteareas, que vén de completar unha intensa e brillante semana na que acadou importantes logros tanto para a natación ponteareá como para a española.

    A deportista comezaba esta boa racha en Málaga conseguindo medalla de bronce nos 5km na categoría infantil na etapa final da Copa de España de augas abertas. A semana remataba competindo como parte do equipo español de natación de augas abertas na Mediterranean Open Water Swimming Cup na localidade chipriota de Larnaca, onde o equipo acadou a primeira posición feminina conxunta. Lemos quedou en quinta posición despois dunha proba de 5km moi disputada.

    Estes resultados reflicte “o enorme traballo que fan cada día as nadadoras e nadadores do club ponteareán nos adestramentos. Parabéns a Iria Lemos a todo o ao club, que está a desenvolver un gran traballo na formación de novos valores deportistas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.