10.9 C
Pontevedra
Luns, 6 de Decembro de 2021
Máis
    HomeO CondadoPonteareasA Policía Local de Ponteareas realiza controis de velocidade con radar para...

    A Policía Local de Ponteareas realiza controis de velocidade con radar para mellorar a seguridade viaria

    Hai máis dun ano que a velocidade máxima na vila está limitada a 20 km/h, agás na Avenida de Castelao que está a 30 km/h

    O pasado mes de maio cumpriuse un ano dende que o Concello de Ponteareas, adiantándose á normativa xeral aprobada pola DGT recentemente, limitou a velocidade no casco urbano a 20 km/h. Ademais, as zonas de plataforma única ou peonís con tráfico restrinxido teñen unha limitación de 10 km/h por ser espazos de convivencia dos vehículos cos peóns. A Avenida de Castelao pola súa banda é a excepción á norma ao contar cunha limitación de 30 km/h.

    No mes de setembro do pasado ano a concellaría de Mobilidade e Tráfico desenvolveu, coincidindo coa Semana Europea de Mobilidade, unha campaña de control de velocidade con radar precedido dunha lona informativa que advertía da presenza do dispositivo e que contribuíu a difundir os novos límites de velocidade e a que as persoas condutoras acomodasen a velocidade á nova limitación. “Cumprir con eses límites supón mellorar a seguridade viaria, reducir o risco e a gravidade de accidentes e atropelos e facilita o uso da bicicleta nas calzadas sen perigo e sen temores, ademais de reducir a contaminación”, sinala o departamento da Policía Local.

    Agora, unha vez que xa é de coñecemento xeral da poboación o límite de velocidade a 20 km/h, a Policía Local iniciou unha nova campaña de control de velocidade, pero sen elementos informativos previos. “O que queremos é que se respecten os límites de velocidade sempre e non só cando se sabe que hai un radar próximo. Para iso as persoas condutoras deben saber que, como en calquera outra vía de circulación autonómica ou estatal, no centro urbano de Ponteareas pódense realizar controis de velocidade en calquera intre e que superar os límites pode levar aparellada unha infracción”, explican dende o Goberno local. Coa limitación de velocidade a 20 km/h circular por enriba dos 40 km/h supón a perda de dous puntos de carné e por enriba dos 50 km/h catro puntos.

    A Concellaría de Mobilidade e Tráfico amósase satisfeita co impacto da limitación de velocidade implementada hai un ano, xunto con outras de calmado do tráfico como a reordenación de sentidos de circulación e o estreitamento de carrís. “Nos últimos meses vense observando unha evidente redución da velocidade media dos vehículos no casco urbano. Aínda así, unha minoría de persoas condutoras continúan circulando a velocidades moi elevadas polas nosas rúas poñendo en perigo ao resto de persoas. Os controis con radar pretenden corrixir esas condutas”, sinalan dende a Concellaría de Mobilidade e Tráfico.

    COLABORACIÓNS

    Diego Ameixeiras, «O cervo e a sombra»

    Diego Ameixeiras tennos afeitos a un tipo de escrita moi persoal e honesta, pero sempre intensa e emocionalmente arroutada. O seu novo traballo non fai máis que afondar nesta percepción e faino a través dese mundo que habita nos arrabaldes da sociedade, un escenario xa recorrente na súa narrativa.

    Treinta otoños tiene mi amor

    Último domingo del mes y cada vez más cerca de la Navidad, aunque en Vigo ya la tenemos muy presente desde hace una semana gracias a las más de diez millones de luces led que iluminan la ciudad.

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    7 POSTS0 COMMENTS
    Manrique Fernández
    50 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS