A Plataforma polo Saneamento de Ribadetea convoca a todos os veciños da parroquia a unha xuntanza veciñal que terá lugar o vindeiro domingo dia 12 de marzo ás 17:00 horas, no Centro Cultural de Ribadetea.
Os membros da plataforma queren informar aos seus veciños da situación actual na que se atopa o proceso de dotar de rede de saneamento de augas residuais á parroquia.
Nestes últimos 5 anos que leva traballando a Plataforma, téñense producido avances, aínda que polo momento sexan moi limitados e a un ritmo demasiado lento para as expectativas do colectivo.
O saneamento é un servizo básico que as administracións teñen a obriga de proporcionar á parroquia de Ribadetea sen mais retrasos nin escusas. É unha necesidade social e medioambiental que debería estar resolta hai mais de 15 anos.
A plataforma quere contar co apoio e colaboración dos veciños para darlle un impulso definitivo que faga posible que a parroquia de Ribadetea conte finalmente co seu saneamento, un servizo básico tan importante.