7.9 C
Pontevedra
Venres, 29 de Marzo de 2024
Máis
    HomeO CondadoPonteareasA nadadora do CN Ponteareas Sofía Carballo proclámase subcampioa de España Júnior...

    A nadadora do CN Ponteareas Sofía Carballo proclámase subcampioa de España Júnior en 100 braza

    Nova rolda de éxitos para o Club Natación Ponteareas, que participou esta fin de semana no XXII Campionato de España Open Absoluto – XXXVIII Campionato de España Júnior celebrado na localidade malagueña de Torremolinos, onde os catro deportistas do equipo ponteareán amosaron un alto nivel de forma que promete unha interesante segunda parte da tempada.

    No encontro, que congregou aos principais nadadores e nadadoras estatais, destacou o papel de Sofía Carballo, que se proclamou subcampioa de España Júnior en 100 braza, parando o crono na mellor marca galega da súa idade. Un logro que xa repetira a xornada anterior, onde marcaba a mellor marca galega nos 50 braza. Uns resultados na competición grazas aos que Carballo pasa a obter o recoñecemento e a formar parte do Grupo de Deportistas Galegos de Alto Nivel (DGAN).

    No aspecto individual, o resto de deportistas acadaron varias finais júnior que se saldaron con moitas das mellores marcas persoais dos nadadores e nadadoras en diversas probas. Ademais, o equipo de remudas femininas que participou no 4×100 estilos remataron en cuarta posición, con récord do club incluído.

    O concelleiro de Deportes, Miguel Bouzó, quere trasladar os seus parabéns a Sofía Carballo e a todas e todos os nadadores do club polo gran nivel amosado na competición e durante toda a tempada. “Os nosos mozos e mozas téñennos moi acostumados a acadar grandes éxitos e temos que recoñecerlles e apreciar todo o trabalo que hai detrás, toda a ilusión e todo o esforzo”, salientou.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.