8.9 C
Pontevedra
Venres, 29 de Marzo de 2024
Máis
    HomeO CondadoPonteareasA ludoteca municipal abre as súas portas a todos os nenos de...

    A ludoteca municipal abre as súas portas a todos os nenos de Ponteareas e comarca

    A ludoteca municipal abre as súas portas a todos os nenos e nenas de Ponteareas e da comarca. Os vindeiros 18, 19 e 20 de outubro as instalacións organizarán unhas xornadas de portas abertas con actividades para que os nenos de 6 a 12 anos coñezan de primeira man o traballo que se está a desenvolver neste servizo. “Con estas xornadas facilitamos que rapazas, rapaces e as súas familias coñezan mellor este espazo de lecer e descubran todo o que ofrece aos máis pequenos e pequenas durante todo o ano”, explica a concelleira de Benestar Social, Verónica Carrera.

    A primeira xornada será o martes 18 de outubro e estará dedicada a nenos e nenas de 10 a 12 anos. Mentres, o mércores 19 o grupo estará centrado nos cativos e cativas de 9 e 10 anos e o xoves 20 de outubro nos de 6 a 8 anos. As xornadas serán todos os días de 17.00 a 19.00 horas, totalmente de balde e sen límite de asistentes, aínda que non se admitirán nenos ou nenas que non correspondan ao grupo de idade previsto para esa xornada.

    A ludoteca municipal xa ten lista a súa programación para o curso 2022-2023, cunha morea de actividades que ofrecer a rapaces e rapazas tardes de lecer lúdico, divertido e educativo para aprender xogando. Saídas, talleres de cociña, manualidades, xogos ou celebracións de festas tradicionais… son un exemplo do moito que pode desfrutar a rapazada.

    Ata o vindeiro mes de xuño a ludoteca abrirá as súas portas dúas horas á semana en horario de tarde con actividades destinadas a nenos e nenas de 6 a 12 anos e unha cota de 14,64 euros ao mes. As familias interesadas poden solicitar máis información ou inscribir a cativos e cativas enviando un correo electrónico a ludoteca@ponteareas.es ou a través do teléfono 673 794 760.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.