21.5 C
Pontevedra
Venres, 19 de Abril de 2024
Máis
    HomeO CondadoPonteareasA directiva de Banastra trasladará aos seus asociados a proposta socialista de...

    A directiva de Banastra trasladará aos seus asociados a proposta socialista de ubicación do novo Centro de Saúde de Ponteareas

    "Temos a responsabilidade de decidir sobre unha obra que perdurará durante moitos anos", afirma o PSOE ponteareán

    No día de hoxe, membros da Xestora do PSOE de Ponteareas reuníronse coa directiva de Banastra, a federación de comerciantes e hostaleiros de Ponteareas, para informarlles da ubicación que, para o Partido Socialista, debe ter o novo centro de saúde.

    Así o PSOE ponteareán considera que os terreos de Aceiros do Tea teñen unha situación inmellorable para a instalación desta infraestrutura sanitaria. “É preciso que as persoas maiores poida chegar fácilmente ao centro de saúde e para iso nada mellor que este se atope ao carón da estación de autobuses”.

    A maiores, esta parcela non tería ningún custe para os veciños e veciñas e conseguiríase lao mesmo tempo a recuperación patrimonial dunha edificación para uso da cidadanía.

    A directiva de Banastra entende que ubicar o novo centro de sáude en Aceiros, tal e como propón o PSOE, é unha oportunidade única xa que permitiría atraer xente ao cento da vila e darlle así un pulo ao comercio. Nestes días trasladarán esta proposta aos asociados da federación.

    “É preciso que entre todos academos a mellor opción para os veciños e veciñas –subliñan as e os socialistas ponteareáns–. Temos a responsabilidade de decidir sobre unha das obras máis importantes que se levarán a cabo na nosa vila e que perdurará durante moitos anos. Os gobernos temos a obriga de achegar as institucións aos veciños, non so dixitalmente senón tamén físicamente”.

    O PSOE explica que, a súa postura xa foi trasladada “en diferentes reunións aos nosos socios de goberno, o BNG, e tamén ao resto de grupos políticos da Corporación.”

    O PSOE agarda que o resto de forzas políticas “aposten tamén polos veciños e veciñas de Ponteareas” e apoien, ao igual que o sector comercial tamén o fai, a ubicacion do novo centro de saúde en Aceiros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.