A xestión económica do anterior corporación municipal en Ponteareas, continúa a ter consecuencias para os veciños preto de catro meses despois da perda da alcaldía por parte do bipartito BNG-PSOE.
Na actualidade, varios centros de titularidade municipal están xa a sufrir cortes no subministro eléctrico debido ao impago da débeda contraída, como é o caso do Mercado de Abastos ou o Centro Social, entre outros, como xa ocorrera ao final da anterior lexislatura.
Un dos principais buratos económicos que deixou en herdanza o anterior bipartito é o do alumeado público que como ben indicou a actual alcaldesa, Nava Castro, na rolda de prensa do seu balance dos primeiros cen días de goberno celebrada onte, mostrou un desfase entre a partida dedicada a tal efecto e a realidade preto de un millón de euros. Por este motivo o equipo de goberno convocará un pleno extraordinario urxente para realizar o recoñecemento extraxudicial das cantidades adeudadas pendentes de abonar en canto se teña resposta favorable da proposta efectuada á compañía subministradora por parte do concello e xerar unha partida orzamentaria a tal fin, presumiblemente a través dun préstamo.
A partida orzamentaria de 300.000 euros para to un ano destinada ao pago da luz era claramente insuficiente cando o servizo está valorado 1,3 millóns de euros. Se ben é certo que os fondos poderían obterse de outras partidas non executadas, non foi así e ao momento de chegar á alcaldía, o actual grupo de goberno atopouse con só 97.000 euros de liquidez entre o 17 de xuño e o vindeiro 31 de decembro. Unha liquidez que non resultou ser tal xa que existen 2,5 millón de euros en facturas impagadas e 9 millóns de débeda.
O grupo de goberno leva semanas negociando para reverter e emendar esta situación á maior brevidade posible e restablecer a normalidade en todos os centros, dos que os considerados servizos de primeira necesidade como os centros educativos ou residencias teñen o subministro garantizado.
