16 C
Pontevedra
Martes, 21 de Maio de 2024
Máis
    HomeO CondadoPonteareasA Concellaría de Vías e Obras de Ponteareas inviste máis de 33.000...

    A Concellaría de Vías e Obras de Ponteareas inviste máis de 33.000 euros no asfaltado dunha vía en Cristiñade

    A concellaría de Vías, Obras e Iluminación, que dirixe Chus Garrote, vén de rematar a mellora dunha pista municipal na parroquia de Cristiñade, unha actuación na que se investiron 33.120,59 euros e que permite reparar unha vía que presentaba un pavimento extremadamente deteriorado e cuxa reparación fora solicitada pola veciñanza, petición atendida agora pola concellería que xestioina a concelleira socialista.

    Esta nova actuación proxectada pola segunda tenente de alcaldesa consistiu na repavimentación da estrada que une os barrios da Urcela e do Paseo, en Cristiñade, actuación que tamén incluíu unha limpeza das marxes e das cunetas, nun total de 504 metros de lonxitude. A obra, realizada pola empresa Narom S.L. e que tiña una prazo de execución dun mes, acaba de ser recentemente recepcionada.

    “Esta actuación entra dentro da programación da nosa Concellaría de reasfaltados de vías cun elevado tránsito das distintas parroquias, vías que, coma esta, se atopan cun firme moi degradado e en moi malas condicións”, explica Chus Garrote.

    “contamos con ir pouco a pouco dando solucións e resposta ás necesidades dos veciños e das veciñas”, concluíu Chus Garrote.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.