15.5 C
Pontevedra
Sábado, 22 de Xuño de 2024
Máis
    HomeO CondadoPonteareasA 'Comisión xestora de Entidades Alfombristas do Camiño de Santiago' reúnese con...

    A ‘Comisión xestora de Entidades Alfombristas do Camiño de Santiago’ reúnese con Nava Castro

    Membros da comisión xestora mantiveron un encontro coa directora de Turismo de Galicia e a Comisaria do Xacobeo para expoñerlles os obxectivos e proxectos da mesma

    Membros da Xunta Directiva da Comisión Xestora de Entidades Alfombristas do Camiño de Santiago, creada coa intención de impulsar o Xacobeo 2021 e que está formada por 89 cidades de trece países, mantiveron unha xuntanza de traballo coa directora de Turismo de Galicia, Nava Castro e a comisaria do Xacobeo, Cecilia Pereira, coa finalidade de darlle a coñecer os obxectivos de dita Comisión.

    Neste momento, a Comisión agrupoa a cidades de Arxentina, Brasil, Chile, Panamá ,Perú, Honduras, Nicaragua, Guatemala, México, India, Portugal, Italia e España e, segundo explica o presidente da Comisión Xestora, Miguel Ángel García Correa, “espéranse máis inscricións”.

    O seu obxectivo principal abrangue todas aquelas actividades dirixidas á difusión, divulgación e promoción do Camiño de Santiago e do patrimonio material e inmaterial vinculado a el, destacando a riqueza cultural, natural e humana do Camiño de Santiago.

    “Estamos a traballar en dous proxectos que permitan poñer en relevo os diversos camiños que conflúen en Santiago de Compostela”, explica García Correa, “e faise a través de algo tan noso como son as alfombras de flores que cada ano realízanse en centenares de vilas e pobos de todo o mundo con motivo das festa do Corpus Christi, Semana Santa ou outras festas relixiosas”, engade o presidente da Comisión Xestora.

    Un dos proxectos para o Xacobeo ’21 no que se está a traballar, é o denominado ‘Alfombras para o Camiño’, unha iniciativa que consiste na realización, desde xaneiro a xuño de 2021, de diversas alfombras en cada un dos camiños que conflúen en Santiago de Compostela, para rematar con outra alfombra, o 24/25 de xullo na praza do Obradoiro de Santiago.

    O segundo proxecto, denominado ‘Alfombra Mundial’ consiste en coordinar con todos aqueles alfombristas que queiran participar para que, en que en cada unha das localidades que pertenzan á Comisión Xestora de Entidades Alfombristas do Camiño de Santiago, elaboren nun lugar emblemático da súa localidade unha alfombra entre o 24e 25 de Julio do 2021 dedicada ao Camiño de Santiago, coa súa técnica, os seus materiais e no tamaño que elixan pero, en todas elas, farase o mesmo deseño.

    “É dicir, facer todo o mesmo día, a mesma alfombra en cada un dos nosos pobos ou cidades, pero de forma conxunta a escala mundial”, conclúe Miguel García Correa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.