Este sábado 27 de novembro, a Banda de Música Xuvenil de Xinzo celebra o seu habitual concerto en homenaxe a Santa Icía, patroa dos músicos. Este ano, o acto non poderá celebrarse no auditorio do Centro Cultural de Xinzo por razóns de espazo, polo que o concerto celebrarase na Sala Multiusos do Auditorio Reveriano Soutullo ás 19:00h.
A última vez que a Banda de Xinzo ofreceu este concerto foi no 2019, motivo polo que este ano será aínda máis especial. No 2020, a banda non puido celebrar esta data como cada ano debido á grave situación marcada pola pandemia da COVID-19.
Ao comezo do concerto deste sábado, a banda presentará ós seus novos integrantes, un total de dez músicos de diferentes modalidades: Sara Gamote e Claudia Gregores de frauta; Uxía Lavandeira, Sara Bernárdez e Laura Bargiela de clarinete; Uxía Otero e Antía García de saxofón; Cristian Romero de trombón; Rodrigo Represas de percusión, e Nahír Domínguez de oboe.
Ademais, ao rematar o concerto terá lugar a tradicional cea cos músicos, socios da banda e todos aqueles que se inscribisen para asistir no restaurante Manolo (O Porriño).