7.9 C
Pontevedra
Venres, 29 de Marzo de 2024
Máis
    HomeO CondadoPonteareasA aula CeMIT de Ponteareas prepara un mes de abril cheo de...

    A aula CeMIT de Ponteareas prepara un mes de abril cheo de cursos e xornadas para todos os públicos

    O mes de abril chega á aula CeMIT de Ponteareas cunha ampla programación de actividades para todos os públicos, con novas edicións dos cursos habituais pola alta demanda e innovadoras xornadas para que a mocidade goce durante a Semana Santa. “Este mes gozaremos dun calendario de actividades moi completo co que achegar a tecnoloxía á mocidade dun xeito consciente, responsable e divertido ao tempo que promovemos a inclusión no seu uso e proporcionamos ferramentas para facilitar a vida cotiá a persoas de todas as idades, acabando coa fenda tecnolóxica”, explica o concelleiro de Innovación e Desenvolvemento Tecnolóxico, Benito Márquez.

    Unha das propostas para este mes de febreiro será un curso de manexo de teléfonos móbiles, que terá lugar os venres de 16.00 a 18.30 horas, xunto cun de elaboración de currículim vitae os luns 4 e 25 de abril de 11.30 a 14.00 horas. Ademais, organizarase un novo curso de informática básica para atender a alta demanda dos usuarios e usuarias os martes e xoves de 16.00 a 18.30 horas.

    Como novidade, este mes a aula CeMIT ofertará un curso para aprender a manexar Google Maps (mércores de 16.00 a 18.30 horas); outro de compras por internet os días 5, 6 e 7 de abril de 18.30 a 21.00 horas e un centrado nas aplicacións de mensaxería instantánea como Whatsapp, Telegram ou Signal os días 19, 20, 21, 26, 27 e 28 de abril de 18.30 a 21.00 horas.

    Por outra banda, durante as vacacións de Semana Santa a aula CeMIT desenvolverá os días 11, 12, 13 e 18 de abril dous cursos dirixidos á mocidade ponteareá de 6 a 13 anos, ambos inclusive. Serán unhas xornadas de STEAM de Robótica Lego, que se celebrará de 16.00 a 18.30 horas, e outras de programación con Scratch, que será de 18.30 a 21.00 horas.

    As persoas interesadas en realizar calquera destes cursos deben facer a súa preinscrición a través do espazo da aula CeMIT habilitado na web da Xunta. Para máis información poderá contactarse coa aula CeMIT no correo electrónico cemit.ponteareas@xunta.gal ou chamando ou enviando unha mensaxe de whatsapp ao número 634 238 962 dentro do horario da aula, que estará aberta ao público os luns de 09.00 a 11.30 h e os venres de 18.30 a 21.00 h.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.