Con motivo do Día Internacional das Persoas Maiores que se celebra o día 1 de outubro, a Aula CeMIT de Ponteareas dependente da Concellería de Innovación e Desenvolvemento Tecnolóxico que xestiona Benito Márquez, ten programadas dúas charlas dirixidas, específicamente, a ese sector de poboación. Así ás 10:30 horas terá lugar a titulada ‘Asignatura pendente do século XXI: formación ao longo da vida‘ e xa ás 17:00 horas terá lugar a de ‘Trucos google para buscar por internet’.
Doutra banda a aula CEMIT de Ponteareas pon a disposición dos veciños e veciñas cursos de informática totalmente de balde. Neste mes de outubro haberá cursos de Iniciación á informática, de Procura de información na rede, de DNI electrónico e certificados dixitais, de Emprego do correo electrónico, a sí como outros dirixidos ao uso da folla de cálculo, google apps, edición de audio e vídeo e de google drive.
A concellería de Innovación e Desenvolvemento Tecnolóxico, que dirixe Benito Márquez, lembra que, para inscribirse, tan só hai que achegarse ata a aula CEMIT no Centro Social ubicado na rúa Oriente ou ben contactar no número de teléfono 673 794 883 ou a través do enderezo electrónico [email protected]