7.5 C
Pontevedra
Mércores, 8 de Febreiro de 2023
Máis
    HomeO CondadoPonteareasA «Asociación do Patrimonio Cultural Val do Tea» preséntase oficialmente este domingo...

    A «Asociación do Patrimonio Cultural Val do Tea» preséntase oficialmente este domingo no Auditorio de Ponteareas

    Na presentación proxectarase o documental inédito «O Castro de Troña no Tempo» do arqueólogo José Manuel Hidalgo Cuñarro, director das excavacións do castro entre 1981 e 1991

    O Auditorio Reveriano Soutullo de Ponteareas será escenario, o vindeiro domingo 2 de febreito ás 18 horas, do que poderíamos cualificar sen temor a equivocarnos, como un dos acontecementos culturais de máis importancia e, sobre todo, transcendencia dos últimos tempos: a presentación oficial da ‘Asociación do Patrimonio Cultural Val do Tea’.

    O acto, como se a propia presentación non fora suficiente, contará cun extraordinario aliciente como é a proxección dun documental, totalmente inédito, sobre o castro de Troña realizado pola propia asociación en colaboración co arqueólogo José Manuel Hidalgo Cuñarro, que foi director das excavacións do Castro entre 1981 e 1991, é dicir, o momento en que se comezou a poñer en valor o que hoxe é un dos xacementos castrexos máis importantes de Galicia.

    Á presentación da Asociación contará coa colaboración da pianista Paula Carrera Silvas e os nenos e nenas, recibirán un pequeno agasallo como recordo deste acto. É, sen dúbida, un xeito importante de cara a inculcar nos máis novos a importancia do patrimonio que nos rodea, do seu coñecemento para, dende aí, poder traballar na súa posta en valor, protección e conservación. Esta é, en resumo, a razón de ser da asociación que o domingo ‘vístese de gala’.

    Como toda idea que se prece, tivo xa os seus seus ‘ensaios’. Primeiro, a presentación ante os medios de comunicación para transmitir a súa idea, o seu proxecto vital que non é outro que, como afirmaban, “a protección, defensa e vixianza do noso patrimonio”. Logo, unha visita guiada por Xinzo da man de Juan Ibáñez Rodríguez, fondo coñecedor da parroquia e o seu patrimonio histórico e monumental e membro fundador da ‘Asociación do Patrimonio Cultural Val do Tea’

    Quédalle á Asociación, un longo percorrido de duro traballo, sacrificado e a meirande parte das veces anónimo. Trátase, de xeito silencioso e sen aspavientos de preservar, conservar e poñer en valor o enorme patrimonio que ten o Val do Tea. Patrimonio na máis ampla interpretación da palabra. Patrimonio cultural, histórico e tanxible, si. Pero tamén patrimonio de historias, lendas e contos que forman parte da nosa propia identidade como pobo.

    O dito. O domingo Ponteareas e as comarcas do Condado e A Paradanta deberían ser quen de encher o Auditorio ponteareán e obrigar á Asociación do Patrimonio Cultural Val do Tea a colocar o cartel de “non hai localidades”. Non o dubidamos nin por un instante que así será. O domingo ás 18 horas, temos todos e todas nós, unha cita ‘co noso’ e con aqueles que, de xeito altruísta, loitan pola súa defensa.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS