A Asociación Ponteareá CORPUS AS MONXAS, participa hoxe na tradicional oitava de San Miguel, patrón da vila do Tea, dunha forma virtual. Este proxecto organizado pola Oitava Noite de Uriangato, (México) patrimonio inmaterial do mundo, realizase hoxe, día 6 de outubro, coa participación de alfombristas de todo o mundo e grazas á colaboración da Coordinadora internacional de Entidades de alfombristas de Arte Efémera.
A actividade consiste na confección dunha alfombra, con formato similar que se realiza en cada delegación alfombrista e que se compartirá co mundo dunha maneira virtual a través das redes sociais e de mais medios tecnolóxicos.
Corpus As Monxas, quere agradecer á OITAVA NOITE, o seu esforzo por levar a cabo, un ano máis, “un evento do mais importante en canto a arte efémera refírese en América Latina, e no que teriamos que reunirnos e a pandemia impedíunolo”.
Corpus As Monxas convida á cidadanía a compartir esta actividade “onde Ponteareas, co seu Corpus declarado Festa de Interese Turístico Internacional, estará presente activamente do mesmo xeito que os nosos irmáns da Orotava e delegacións, tanto de España (Carrión de los Condes, Cataluña, Bueu, A federación Galega de Asociacións de Arte Efémera, …) e doutros países como Alemaña, Bélxica, Nepal, India, Xapón, Malta, Italia, e moitos mais países”.
“Unha vez mais Ponteareas mostra a súa cara mais solidaria coa situación actual e con todos os irmáns alfombristas do mundo, tendendo mans e unindo lazos”, remata a Asociación de Alfombristas Corpus As Monxas.