12.8 C
Pontevedra
Domingo, 5 de Decembro de 2021
Máis
    HomeO CondadoMondarizOs centros de compostaxe comunitaria de Mondariz, xa operativos

    Os centros de compostaxe comunitaria de Mondariz, xa operativos

    Mondariz xa ten instalados os 13 centros de compostaxe comunitarios previstos para este concello, dos cales 2 xa están en funcionamento e 3 máis comezarán a operar a partires da vindeira semana. A paulatina posta en marcha destes centros de compostaxe vén sumarse á compostaxe individual que xa está realizando a veciñanza –a Deputación xa leva repartidos preto de 800 composteiros individuais por todas as parroquias–, e que persegue o obxectivo de tratar os biorresiduos no mesmo lugar de orixe no que se producen, evitando que sexan depositados nos colectores verdes.


    No caso da compostaxe comunitaria, as mestras e mestres composteiros do Plan Revitaliza están realizando unha formación por fases segundo a zona na que está previsto que se vaian poñendo en funcionamento os centros. Esta formación xa foi realizada entre os veciños e veciñas das zonas dos dous centros comunitarios que están funcionado, situados na Avenida do Grupo Escolar, e no aparcadoiro da rúa Cooperativa San Gregorio.

    Os tres que está previsto poñer en funcionamento para a semana son os situados en Estromil, na rúa Lino Troncoso e na Praza da Pedreira. Nos vindeiros días, o persoal do Plan Revitaliza visitará os domicilios das persoas residentes nestas áreas para convocalos a candansúa xuntanza de formación, na que lles explicarán todo o que precisen sobre compostaxe, aclarando as dúbidas que poidan xurdir sobre o funcionamento do centro comunitario e o proceso que pasa o lixo orgánico para converterse en compost. Ademais, a medida que comezan a funcionar estes centros, as mestras e mestres composteiros distribúen cubos para as vivendas que participen na compostaxe comunitaria.

    En canto á compostaxe individual que se está a realizar en todas as parroquias, o persoal técnico informa que aqueles domicilios que aínda carezan de composteiro e que desexen sumarse a esta modalidade de xestión dos biorresiduos, poden achegarse ata o Concello e solicitalo –en horario de atención ao público polas mañás–.

    Ademais, cada parroquia dispón dun punto verde no que a veciñanza pode deixar os restos de podas para, posteriormente, recoller estruturante para utilizar nos seus propios composteiros individuais. Para este proceso, o concello dispón dunha trituradora que dará servizo a estes puntos verdes e que será utilizada tamén para triturar a poda propia do concello. O obxectivo é utilizar e aproveitar todos os restos de poda para devolverlle materia orgánica ó chan, evitar queimas, e contribuír a facilitar o proceso de compostaxe da veciñanza.

    COLABORACIÓNS

    Diego Ameixeiras, «O cervo e a sombra»

    Diego Ameixeiras tennos afeitos a un tipo de escrita moi persoal e honesta, pero sempre intensa e emocionalmente arroutada. O seu novo traballo non fai máis que afondar nesta percepción e faino a través dese mundo que habita nos arrabaldes da sociedade, un escenario xa recorrente na súa narrativa.

    Treinta otoños tiene mi amor

    Último domingo del mes y cada vez más cerca de la Navidad, aunque en Vigo ya la tenemos muy presente desde hace una semana gracias a las más de diez millones de luces led que iluminan la ciudad.

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    7 POSTS0 COMMENTS
    Manrique Fernández
    50 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS