17.9 C
Pontevedra
Xoves, 5 de Agosto de 2021
Máis
    HomeO CondadoMondarizMondariz recupera os grandes eventos culturais de verán

    Mondariz recupera os grandes eventos culturais de verán

    O Concello de Mondariz publicou a súa programación definitiva de cultura e mocidade para o verán 2021, despois de confirmar unha serie de espectáculos teatrais do programa “Cultura no Camiño” para os meses de agosto e setembro. Alén destas representacións, durante este verán destacan as actuacións musicais. Entre os días 21 e 25 de xullo, en véspera do Día de Galicia, a praia fluvial do Val será escenario do innovador espectáculo de música e danza de PedalOpiano, a última creación de Le PianO du Lac. Días despois, o 30 de xullo, a Praza de Mondariz recibirá a Tanxugueiras, no marco da 32ª edición da Feira dos Oficios Artesáns. Igual ou máis esperado, especialmente pola mocidade, será o concerto de Baiuca, pechado para o 15 de agosto, coincidindo coas festas patronais da Virxe da Peña de Francia e San Roque, que este ano non contará con verbenas pero si cunha programación municipal de actividades culturais.

    O programa de cine na rúa, con epicentro na Praza de Mondariz, ofrece este verán tres filmes para todas as idades. O pasado 10 de xullo proxectouse a película de animación “Zoo y los doctores voladores”, mentres que para o 21 de agosto está programada a exitosa comedia galega “Cuñados”, coa presenza de dous actores protagonistas (Miguel de Lira e Federico Pérez), e para o 4 de setembro, o filme “Si yo fuera rico”.

    Para a mocidade, desde a Oficina Municipal de Información Xuvenil (OMIX) organizáronse diversos programas de actividades que exixen inscrición previa para poder participar. Ademais do Campaverán 2021 e das escolas de piragüismo e hípica, que están en marcha desde principios de xullo, ofrécense diversas actividades deportivas para mozos e mozas entre 13 e 18 anos. Este programa, Mondaverán Xove, inclúe saídas a diversas localizacións da comarca de Condado-Paradanta para realizar barranquismo, rafting, piragüismo e hidrospeed. A estas actividades de aventura súmanse outras para toda a familia, como as incluídas no programa Mondariz Natura, que permite un achegamento ao patrimonio natural do Concello de Mondariz, ou as probas de orientación (Aventura-Tea na praia fluvial do Val e Orienta-Tea no Carballo de Armada da parroquia de Queimadelos) e un scape-room no centro urbano de Mondariz.

    EVENTOS DESTACADOS

    O pedalOpiano sobre as augas do río Tea en Mondariz

    Entre os días 21 e 25 de xullo, Mondariz será o primeiro escenario galego da xira xacobea do pedalOpiano, o innovador espectáculo musical de Le PianO du Lac, en coprodución coa compañía asturiana La Xata La Rifa. A entrada é libre, pero a cabida está limitada a 400 persoas. As reservas pódense tramitar no sitio web https://www.billetweb.fr/mondariz-playa-fluvial-do-val. Existe, así mesmo, unha taquilla voluntaria e a compañía recomenda unha aportación de 10 euros. Toda a información relativa á taquilla está dispoñible no seguinte sitio web: http://www.pianodulac.eu/taquilla2021/.

    Rectificamos, porén, que non é un evento gratuíto, como se informara en días pasados.

    32ª edición da Feira dos Oficios Artesáns de Mondariz

    Despois da obrigada suspensión da edición do ano pasado por mor da pandemia de Covid-19, o Concello de Mondariz apoiou a organización da Feira dos Oficios Artesáns en 2021 por parte de CEAR Castromao. A programación desta 32ª edición foi presentada a mediados de xullo na sede principal da Deputación de Pontevedra. A inauguración do evento estará precedida pola presentación do documental “Cesteiros de Mondariz“, o día 30 de xullo pola noite nos Xardíns do Concello. Este proxecto audiovisual, financiado polo programa O Teu Xacobeo da Xunta de Galicia, conta cun equipo artístico de recoñecidos nomes, como o director Fon Cortizo e o guionista Alexandre Cancedo. Durante os días de feira na Praza de Mondariz destacará a actuación do grupo galego Tanxugueiras.  

    Festas patronais da Virxe da Peña de Francia e San Roque

    Este verán, ao igual que o ano pasado, a programación das festas patronais de mediados de agosto foi organizada polo Concello de Mondariz e consiste nunha serie de concertos e actividades para o público infantil. O evento máis destacado será a actuación de Baiuca, que está presentando o seu último traballo musical, “Embruxo”.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS