4.5 C
Pontevedra
Domingo, 28 de Novembro de 2021
Máis
    HomeO CondadoMondarizMondariz modifica o Orzamento para cubrir gastos básicos

    Mondariz modifica o Orzamento para cubrir gastos básicos

    Apróbanse transferencias de créditos para o pago a empregados, provedores e servizos sociais

    O Concello de Mondariz celebrou o venres una sesión extraordinaria do Pleno da Corporación Municipal que incluía na orde do día unha proposta de modificación orzamentaria para transferir créditos a partidas relacionadas cos gastos básicos que resultou finalmente aprobada por valor de 21.605,68 euros.

    Á falta de varios meses para pechar o ano, partidas como as de Servizos Sociais Comunitarios ou reparación de maquinaria e vehículos estaban case a cero ou mesmo en números vermellos; en parte, debido ao feito de que Mondariz funciona en 2019 cun orzamento prorrogado desde 2017. 

    Co obxectivo de atender gastos básicos para os que non había partida orzamentaria suficiente de aquí a final de ano, o equipo de goberno preparou unha proposta inicial de modificación orzamentaria por valor de 52.634,64 euros, dos cales 13.700 euros dependían dun decreto da Alcaldía e 38.934,64 euros debían ser sometidos á votación do Pleno.

    Esta última cantidade, aparte de partidas especialmente pensadas para 2017 como a do Plan Xeral de Ordenación Municipal (PXOM) ou a da elaboración da Relación de Postos de Traballo (RPT), incluía 17.328,96 euros correspondentes ao pago das asistencias dos concelleiros da Corporación aos distintos órganos municipais e o pago aos grupos políticos no que resta de ano.

    Esta proposta de incluír as partidas de carácter político na modificación orzamentaria non foi acordada en Pleno, pois contou con cinco votos a favor (BNG, PSOE e Ciudadanos) e seis en contra (AporM e PP). A emenda presentada polo PP, na que se pedía que o alcalde aportara parte do seu salario, foi rexeitada polos outros grupos políticos representados no Pleno. 

    Como non houbo acordo sobre as partidas de carácter político, tívose que reformar a proposta inicial de modificación orzamentaria que debía ser sometida á votación do Pleno, pasando de 38.934,64 a 21.605,68 euros. Ante esta situación, o goberno indicou que “esta transferencia é insuficiente para cubrir os gastos até final de ano”.

    Por decreto da Alcaldía aportáronse fondos para pagar a persoal do Concello. Por decisión do Pleno aprobouse unha transferencia de créditos a diferentes partidas relacionadas con outros gastos básicos do Concello “que é preciso atender para garantir a calidade dos servizos municipais e evitar problemas económicos a final de ano”. Aos servizos sociais comunitarios destináronse 7.244,27 euros, mentres que ao pago de facturas a provedores foron 14.361,41 euros. Esta transferencia de créditos foi aprobada con 5 votos a favor (BNG, PSOE e Ciudadanos) e 6 abstencións.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS