15.8 C
Pontevedra
Sábado, 19 de Xuño de 2021
Máis
    HomeO CondadoMondarizCinema galego en Mondariz para celebrar o final dun novo curso marcado...

    Cinema galego en Mondariz para celebrar o final dun novo curso marcado pola pandemia

    Trátase dunha iniciativa do Concello de Mondariz, en colaboración coa produtora galega Vía Láctea Filmes e o director de cine Ignacio Vilar

    Este venres, 28 de maio, alomenos 63 alumnos e alumnas de 3º e 4º da ESO do CPI de Mondariz cambiarán as aulas do centro educativo pola sala de cine recentemente instalada no Auditorio do Centro Social de Mondariz para aprender sobre lingua e literatura a través dun visionado do filme “A esmorga” en pantalla grande e un coloquio exclusivo co director Ignacio Vilar. A experiencia repetirase o próximo 4 de xuño coa película “Pradolongo”, tamén de Vía Láctea Filmes e obra de Vilar.

    “Con esta actividade para o alumnado do CPI de Mondariz queremos incluír a educación na axenda cultural municipal. Cooperar co CPI de Mondariz é fundamental para que a mocidade teña acceso a máis oportunidades formativas complementarias”, explica Lita Carballo, concelleira de Cultura e Mocidade e de Educación e Igualdade.

    Para alumnado e profesorado, o visionado destas películas forma parte de actividades de ensinanza e aprendizaxe dentro das materias de lingua e literatura. “A esmorga”, que chegou aos cines a finais de 2014 e foi candidata aos Goya na categoría de mellor guión adaptado, parte da novela homónima de Eduardo Blanco Amor. “Pradolongo”, que foi estreada en 2008, permite estudar a fala propia da comarca de Valdeorras, onde foi rodada. O director, Ignacio Vilar, xa ten levado ás aulas estas e outras das súas obras, mais nunca no CPI de Mondariz.

    “Confiamos en que estas actividades complementarias poidan servir para celebrar o remate dun curso que se iniciou en setembro de 2020 con moitas incertezas por mor da pandemia”, engade a concelleira.

    O recente investimento municipal nun novo equipamento audiovisual para o Auditorio do Centro Social permite utilizar este espazo público como sala de cine. Grazas á instalación dunha pantalla automatizada de grandes proporcións (6×5 metros) e dun proxector de alta calidade valorados conxuntamente en 9.680€, actualmente pódense programar proxeccións cinematográficas con maior regularidade. Desde a inauguración do novo equipamento audiovisual, o pasado 30 de abril, proxectáronse filmes semanalmente e decenas de veciños e veciñas disfrutaron da experiencia.

    Ademais destas proxeccións dirixidas ao alumnado do CPI de Mondariz, o Concello de Mondariz organizou con Vía Láctea Filmes outras dúas de entrada libre e gratuíta até completar a cabida permitida do Auditorio do Centro Social. O mesmo venres, 4 de xuño, ofrecerase un segundo pase de “Pradolongo” a partir das 21:00 horas; mentres que o sábado, 19 de xuño, pecharase a tempada co filme “Vilamor” a partir da mesma hora. O director, Ignacio Vilar, estará presente os dous días para conversar co público.

    A tempada de proxeccións cinematográficas no Auditorio do Centro Social retomarase en outubro con outros filmes, xa que durante os meses de verán hai programadas proxeccións ao aire libre. “Temos o compromiso de manter a programación cinematográfica no Auditorio do Centro Social con ciclos como o de cine feminista, que xa tivo moi boa acollida o ano pasado”, sinala o alcalde de Mondariz, Xosé Emilio Barros.

    COLABORACIÓNS

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Economía, impuestos, presupuestos y milagros

    La pandemia que hemos sufrido en estos últimos meses y que ha afectado a la totalidad del planeta, ha cambiado nuestras vidas y nos ha obligado a modificar nuestros comportamientos sociales, culturales y económicos, seguramente para siempre. Ante este hecho, los gobiernos se han visto obligados a actuar y a tomar una serie de medidas, que se han centrado en tres ejes: La paralización de la economía por decreto-ley, la concesión de ayudas y subsidios para paliar los efectos de semejante desastre y la limitación de libertades y derechos individuales, especialmente el de reunión y el de libre circulación.

    Tarifa Valle

    Cuando estoy escribiendo este comentario lo estoy haciendo en el período de la 'tarifa valle', ya que nuestros queridos representantes han aprobado las tarifas eléctricas 2.0TD (en mi época de amante de los automóviles eso significaba que estamos ante un vehículo con motor turbo diésel de dos litros de cilindrada, pero cuando hablamos de tarifas eléctricas., vete a saber).

    Colaboradores

    Alberto Aliaga Sola
    5 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS