O Concello de Mondariz vén de anunciar cambios nos horarios dalgúns dos actos incluídos nas Festas da Pena de Francia e San Roque, ante as novas medidas de restrición horaria do ocio nocturno anunciadas polo Ministerio de Sanidade. Por “responsabilidade” o Concello decidiu adiantar as actuacións musicais previstas para o sábado, 15 de agosto, para adaptar a programación á antedita restrición horaria.
Así, o concerto do grupo de música folk Pédepôtè dará comezo ás 22.00 h (media hora antes do previsto inicialmente), e a actuación de Festicultores Troupe non se prolongará máis aló da 1:00 h.