17.4 C
Pontevedra
Martes, 27 de Setembro de 2022
Máis
    HomeO CondadoMondarizA Xunta impulsa o novo local de axuda no fogar de Mondariz...

    A Xunta impulsa o novo local de axuda no fogar de Mondariz e o ecoparque do Rosal

    A Xunta de Galicia, a través da Vicepresidencia primeira e Consellería de Presidencia, Xustiza e Turismo, vén de impulsar a habilitación do novo local do Servizo de Axuda no Fogar (SAF) de Mondariz e a creación do ecoparque infantil O Sobreiral, no Concello do Rosal, ao abeiro das axudas da orde para a mellora de infraestruturas e equipamentos de uso público do ano 2021.

    Por este motivo, o delegado territorial da Xunta en Pontevedra, Luis López, visitou ambos concellos para realizar senllas visitas de supervisión e informou de que a convocatoria desta liña de axudas correspondente ao presente ano para os municipios de ata 30.000 habitantes ou agrupación de concellos ten aberto o seu prazo de solicitude ata o vindeiro 11 de febreiro.

    Con esta nova orde, a Dirección Xeral de Administración Local, que financiou 1.372 actuacións por 40 millóns de euros dende o ano 2009, cofinanciará proxectos de construción, ampliación, rehabilitación ou mellora de alumeados públicos, camiños municipais, parques, dependencias municipais ou instalacións deportivas. Nesta ocasión, a Xunta destina 3,5 millóns de euros ao orzamento desta convocatoria.

    “A orde de infraestruturas de uso público pretende favorecer o equilibrio entre as contornas rurais e urbanas e os espazos de costa e de interior con investimentos que permitan o desenvolvemento de equipamentos e servizos tan acaídos e necesarios comos os realizados en Mondariz e O Rosal”, significou o representante autonómico.

    Ecoparque no Rosal

    Visitas a Mondariz e O Rosal

    Luis López arrancou estas visitas de supervisión en Mondariz xunto ao alcalde, Xosé Emilio Barros, para coñecer a conversión do antigo arquivo municipal emprazado no soto do consistorio nunha instalación con vestiarios para o persoal do SAF, conformado na actualidade por oito traballadoras que atenden a 40 usuarios deste servizo. A Xunta de Galicia destinou 33.857 euros á habilitación do vello almacén con novas instalacións, revestimentos, falsos teitos, carpintarías e dotación de cuartos de baño para que este espazo, duns 80 m2, dispoña de dous vestiarios, dous aseos e unha zona polivalente para este persoal.

    Posteriormente, o delegado territorial desprazouse ata O Rosal para visitar, coa alcaldesa, Ánxela Fernández, o novo ecoparque infantil O Sobreiral, situado na céntrica zona do Calvario e que contou cunha achega da Xunta de Galicia de 34.633 euros. Neste espazo natural realizouse un acondicionamento con tres áreas de xogos –escalada, musical e de balanceo– de madeira respectuosas co medio ambiente, dotación de mobiliario, plantación de especies arbóreas, área deportiva para persoas maiores e circuito de running circular de 500 metros de lonxitude.

    “Impulsamos dous investimentos moi diferentes e moi necesarios en ambos concellos, o que dá mostra da versatilidade desta orde de axudas, xa que en Mondariz fortaleceron un servizo tan necesario para a cidadanía como o da teleasistencia, mentres que no Rosal apostaron por mellorar enormemente unha zona verde baseándose nun modelo que potencia as relacións sociais, integra a contorna e favorece os valores ecolóxicos dun espazo céntrico”, concluíu Luis López.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS