7.9 C
Pontevedra
Venres, 29 de Marzo de 2024
Máis
    HomeO CondadoMondarizA Xunta ignora absolutamente á Entidade Local Menor de Vilasobroso

    A Xunta ignora absolutamente á Entidade Local Menor de Vilasobroso

    O alcalde pedáneo da Entidade Local Menor (ELM) de Vilasobroso, Alexandre Estévez, lamentou hoxe que varias subvencións da xunta destinada a estas entidades locais e solicitadas pola ELM “foron denegadas por vontade política”. Na última ocasión, para máis desprezo, a denegación de subvención foi remitida ao concello de Mondariz  “ignorándose as canles administrativas que a Entidade dispón por ter capacidade xurídica suficiente”, asegura Estévez.

    A Xunta alega nas súas negativas “que non se cumpren as bases cando as subvencións están destinadas a entidades locais, nomeadamente consorcios, mancomunidade e concellos, pero non se especifica entidades locais menores”.

    O certo é “que non chegan a valorar os informes remitidos na solicitude da subvención e denéganse sen máis consideracións”.

    A contradición da Xunta, explica o alcalde pedáneo da ELM de Vilasobroso, “faise máis patente pois os responsables técnicos da Consellería non atopan ningún reparo xurídico para rexeitar as subvencións que finalmente veñen denegadas pola dirección da consellería, por cargos políticos a dedo”.

    “As Entidades locais menores que non temos o favoritismo das subvencións a dedo por convenios de colaboración estamos contra a espada e a parede” afirma Alexandre Estevez que engade “denégannos subvencións destinadas a comunidades de montes ou asociacións cando somos a figura xurídica que as representa na parroquia e do mesmo modo nos denegan as axudas para concellos provocando unha situación de asfixia económica” asevera o alcalde pedáneo.

    Este desprezo xurídico por parte da Xunta contradice coas “normalizadas relacións” que a Entidade ten con outras entidades pois Vilasobroso foi quen de tramitar unha subvención do IDAE en colaboración coa Deputación de Pontevedra. para a restauración do grupo escolar de Vilasobroso.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.