16.6 C
Pontevedra
Xoves, 29 de Setembro de 2022
Máis
    HomeO CondadoMondarizA remodelación integral do depósito do muíño de Luís, exemplo do compromiso...

    A remodelación integral do depósito do muíño de Luís, exemplo do compromiso de Mondariz por mellorar os servizos básicos

    A rede municipal de abastecemento de auga, unha prioridade na planificación anual de investimentos

    O depósito do muíño de Luís, unha infraestrutura fundamental para o abastecemento de auga no centro urbano de Mondariz, comezou 2022 cun funcionamento optimizado grazas ás obras de remodelación integral que se realizaron nas últimas semanas de 2021. “Este depósito, ao igual que outros tantos da rede municipal de abastecemento de auga, sufría incidencias a miúdo porque durante anos non se priorizaron os servizos básicos. Desde 2019, con este Goberno municipal, si hai unha preocupación por mellorar as infraestruturas”, afirma Xosé Emilio Barros, alcalde de Mondariz.

    A rehabilitación integral do depósito do muíño de Luís incluíu traballos de impermeabilización interior para evitar filtracións de auga, así como unha adecuación dos tubos á normativa. O custo da intervención municipal superou os 90.000 euros, que se financiaron a través da Xunta da Galicia (50.000 euros) e da Deputación de Pontevedra (41.000 euros).

    Plan de mellora da rede municipal de abastecemento de auga

    A actuación no depósito do muíño de Luís forma parte dun plan do Goberno de Mondariz para mellorar as infraestruturas da rede municipal de abastecemento de auga. En 2020, a través do Plan Concellos da Deputación de Pontevedra, xa se fixeran obras no depósito de Santa Baia, na parroquia de Lougares, e no tubo que abastece de auga á parroquia de Vilar.

    “En 2019, ao comezo da lexislatura, fixemos un traballo de investigación e análise para coñecer a situación dos servizos municipais máis básicos que obviamente incluíu a rede municipal de abastecemento de auga: depósitos, canalizacións,… Descubrimos que o estado era moi deficiente e que había incidencias continuamente, cos gastos que supoñen; así que decidimos actuar con alomenos unha obra de mellora cada ano”, explica o concelleiro Leopoldo Tato, responsable das áreas de Mobilidade, Urbanismo, Vivenda, Medio Ambiente e Deporte.

    Ademais de actuar directamente sobre as infraestruturas da rede municipal de abastecemento de auga, o Concello de Mondariz tamén ten aproveitado obras sobre o pavimento a cargo do Plan Concellos da Deputación de Pontevedra para mellorar as canalizacións, mesmo asumindo os custos desas intervencións adicionais. Un exemplo recente é a mellora da pavimentación e da canalización de auga nos barrios do Ceo e do Sesteiro.

    A estas obras de mellora súmase o proceso de regularización de 21 captacións de auga e depósitos da rede municipal de abastecemento de auga iniciado a mediados de 2020, tras detectar graves irregularidades administrativas. “Esa situación que nos atopamos hai case dous anos amosa claramente o abandono dos servizos públicos máis básicos durante as pasadas lexislaturas, nas que ninguén se preocupou de supervisar o estado legal e mesmo material das infraestruturas”, sinala o alcalde de Mondariz.

    “Seguimos traballando a prol dos servizos básicos, polo que incluiremos outras infraestruturas da rede municipal de abastecemento de auga na axenda de investimentos para 2022”, engade.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS