18.5 C
Pontevedra
Mércores, 17 de Xullo de 2024
Máis
    HomeO CondadoMondariz BalnearioO BNG denuncia as descualificacións e insultos do alcalde de Mondariz Balneario...

    O BNG denuncia as descualificacións e insultos do alcalde de Mondariz Balneario ao seu voceiro

    O BNG vén de denunciar publicamente os ataques con insultos, descualificacións e ameazas do alcalde de Mondariz Balneario ao voceiro nacionalista, César Gil, no pleno extraordinario realizado nos pasados días para debater a modificación do orzamento. O Bloque lamenta que “o rexedor da vila, José Antonio Lorenzo, elude o debate das propostas do BNG en defensa da veciñanza e, co aval dos demais concelleiros do PP, ataca ao noso portavoz proferindo descualificacións. “Usted no sirve para nada, es una vergüenza que esté aquí sentado“, “molesta“, “aburre a las piedras” ou afirmacións como “donde pongo el ojo, pongo la bala”, son algunhas das expresións que denuncian os nacionalistas e que recollen con probas audiovisuais nas súas redes sociais.

    “Esta actitude na sesión plenaria contrasta co ton propositivo do portavoz do BNG, César Gil, que con educación e respecto trasladou propostas como o deseño dun obradoiro de emprego dirixido a conservación dos Xardíns Históricos da vila, como alternativa á externalización do servizo que pretende o goberno local”, indica a formación nacionalista.

    O grupo municipal do BNG en Mondariz Balneario cualifica estes feitos como “intolerables en calquera estado democrático”, e esixe ao PP “un cambio urxente de actitude e unha desculpa pública ante o que supón unha gran falta de respecto á veciñanza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.