10.2 C
Pontevedra
Venres, 29 de Marzo de 2024
Máis
    HomeO CondadoMondariz BalnearioO Balneario de Mondariz gaña o premio Wedding Awards 2021

    O Balneario de Mondariz gaña o premio Wedding Awards 2021

    Premio Wedding Awards 2021 para o Balneario de Mondariz pola xestión das vodas na pandemia ao destacar ao seu equipo polo axuste de datas, a adaptación dos eventos e o labor máis aló do servizo comercial na información aos clientes. Os Óscars do sector, que se basean en máis de 7 millóns de opinións de parellas, recoñecen tamén o traballo dun gran equipo de profesionais na realización do evento, a personalización e a contorna natural e arquitectónica da vila termal. O premio acredítao como un dos espazos máis recomendados polas parellas que casaron durante 2019-20.

    Estes galardóns organízaos a web Bodas.net, que forma parte do grupo “The Knot Worldwide” ,líder global no ámbito nupcial, e basean os seus galardóns nas máis de 7 millóns de opinións de parellas coas que conta o portal. O Balneario de Mondariz fíxose acredor deste recoñecemento polo lugar natural privilexiado onde está situada a vila termal, os seus espazos interiores marcados pola historia do establecemento, a súa gastronomía para eventos, o servizo e a posta en escena.

    Analizando este recoñecemento por parte do equipo de Balneario de Mondariz, en concreto por María Gayoso, responsable de vodas e cerimonias, e Lorena Rey, de eventos, “o verdadeiro valor do premio é que o “xurado” son os propios noivos. Este recoñecemento concédese de acordo ás puntuacións e comentarios de parellas que realizaron a súa voda en diversos establecementos de Galicia. Fainos moi felices que o traballo de todo o noso equipo goce de tan boa valoración e, sobre todo, que o Balneario de Mondariz sexa un gran recordo para tantas parellas que nos elixiron para un dos días máis importantes das súas vidas”.

    Pero as vodas cambiaron nos últimos tempos e o establecemento da vila termal adaptouse ás novas noivas, unha tendencia que segundo María Gayoso dotou a estas celebracións dunha maior personalización, comenta que “as cerimonias tradicionais e que seguían un desenvolvemento e un protocolo máis ou menos semellante entre si deron paso a eventos moito máis persoais e singulares. Hoxe en día cada voda é única e diferente, moi ao gusto particular de cada parella, o cal nos obriga a ser máis orixinais e creativos”.

    Todos estes retos fanse posible afrontar no Balneario de Mondariz grazas estar nun espazo privilexiado, tanto natural como arquitectónico, porque segundo María Gayoso, “unha das vantaxes de Balneario de Mondariz é a posibilidade de celebrar a túa voda nun marco único, un lugar cheo de encanto e historia no medio dunha contorna completamente natural. Os noivos dispoñen de diferentes escenarios, tanto interiores como ao aire libre, e a posibilidade de realizar toda a celebración dentro das mesmas instalacións. Para iso ofrecemos capela privada para cerimonias relixiosas, a maxestosa Fonte de Gándara e outros emprazamentos para cerimonias civís, diferentes xardíns e salóns para cocteles e banquetes ou aloxamento para noivos e invitados, coa posibilidade de gozar do balneario ao día seguinte”.

    A experiencia que lles achega o celebrar máis de 100 eventos ao ano entre vodas, bautizos e comuñóns, baséanse en dous aspectos fundamentais. En primeiro lugar a gastronomía, un elemento primordial en calquera celebración en Galicia, e que é algo que coidan con moito mimo ofrecendo a máxima calidade e detalle. Doutra banda está a organización de todo o evento, mediante a cal conseguen levar a cabo a voda única que os noivos desexan. Para iso, como protagonistas que son, dispoñen das máximas facilidades para realizar a voda ao seu gusto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.