18.2 C
Pontevedra
Luns, 17 de Xuño de 2024
Máis
    HomeO CondadoMondariz BalnearioO "abandono" da Fonte de Troncoso en Mondariz Balneario chega ao Parlamento...

    O “abandono” da Fonte de Troncoso en Mondariz Balneario chega ao Parlamento Galego da man do BNG

    O deputado do BNG no Parlamento Galego, Luís Bará, alertado polo Grupo Municipal do Bloque en Mondariz Balneario, visitou a Fonte de Troncoso para coñecer de primeira man o estado deste ben patrimonial tras o derrube da súa cuberta.

    “Fronte a ameaza de ruína total que sufre a Fonte de Troncoso, a actitude de pasividade absoluta do goberno municipal ante o risco de desaparición dun dos edificios mais emblemáticos de Mondariz Balneario e de Galiza, obriga ao BNG a dar un paso máis”, sinalou o seu Portavoz Municipal, César Gil. Por iso o Bloque trasladará unha iniciativa ao Parlamento Galego “para instar a Xunta a que tome medidas urxentes e rehabilite a fonte”.

    “O estado actual de abandono non é casual, nin algo imprevisto polo concello. É o resultado da inexistencia dun proxecto urbanístico adecuado ás necesidade dunha vila histórica”, asegura César Gil. O BNG de Mondariz Balneario vén denunciando dende hai anos o abandono de moitos dos bens patrimoniais da Vila, “sendo a Fonte de Troncoso o exemplo mais claro do desleixo por parte da administración”. Segundo declara Gil, “as ruínas son a triste realidade dun proxecto político obsoleto, que non foi capaz de aproveitar o potencial da vila termal”

    Luis Bará, na súa visita a Mondariz Balneario, lembrou que “é competencia dos concellos ser garantes da protección dos bens patrimoniais protexidos, e responsabilidade última da Xunta a súa conservación”, polo que defenderá no Parlamento Galego o patrimonio material e inmaterial da localidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.