13.9 C
Pontevedra
Sábado, 22 de Xuño de 2024
Máis
    HomeO CondadoMondariz BalnearioBalneario de Mondariz, líder dos destinos elixidos polas españolas para viaxes individuais

    Balneario de Mondariz, líder dos destinos elixidos polas españolas para viaxes individuais

    Balneario de Mondariz lidera a clasificación dos destinos elixidos polas españolas para viaxes individuais, segundo acaba de publicar La Guia Fememnina, revista dixital nacional construída por mulleres e enfocada a mulleres, que destaca á vila termal galega na nova moda, que crece cada ano, de viaxes en solitario para reencontrase ou descansar da familia.

    Na mesma selección de destinos, lugares como SHA Wellness Clinic de Alacante, Spa Bahía del Duque de Tenerife, Bliss Spa de Barcelona ou Hotel Castillo de Gorraiz Golf & Spa, Navarra na liña contornas de luxo, hoteis con tratamentos únicos, centros termais e de spa que o teñen todo para gozar dunha experiencia relaxante e pracenteira.

    Para La Guía Femenina, Balneario de Mondariz conta cun emblemático centro termal onde beleza, saúde e descanso se san a man a través dun amplo programa de tratamentos personalizados, así como dunha contorna natural que convida a gozar da natureza.

    E todo iso para unha aposta de viaxe en solitario buscando sentirse ben cunha mesma xa que está comprobado que as mulleres fóra da súa contorna habitual afianzan o seu carácter independente, así como as actitudes sociais ou o desexo de risco ou control de cada persoa.

    A Guía Femenina, revista dixital nacional construída por mulleres e enfocada a mulleres, destaca á vila termal galega na nova moda de viaxes en solitario para reencontrarse ou descansar da familia

    Por esa razón, viaxar en solitario fai que unhas vacacións adquiran unha dimensión sorprendente, porque implica tirar os dados e descubrir que tipo de sensación é en función tan só do parecer individual, da adaptación emocional aos acontecementos e das novas persoas que se coñezan no camiño.

    O obxectivo, segundo o Balneario de Mondariz, “é iniciar o camiño en soidade e ir descubrindo a novas persoas, tanto viaxeiros como veciños e veciñas. Aprender outros costumes, outros acentos e formas de ver a vida, e facelo exactamente ao teu paso, sen negociar que facer e que rexeitar, nin moverche por máis prexuízos ou desexos que os teus propios”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.