22.8 C
Pontevedra
Martes, 4 de Outubro de 2022
Máis
    HomeO CondadoMondariz BalnearioA plataforma SOS Fonte de Troncoso censura ao Concello por non limpar...

    A plataforma SOS Fonte de Troncoso censura ao Concello por non limpar ese histórico manancial

    A Semana Santa atrae a Mondariz Balneario a centos de visitantes, que enchen o hotel para coñecer o patrimonio natural e cultural

    A plataforma SOS Fonte de Troncoso vén de censurar publicamente ao alcalde de Mondariz Balneario “por non limpar nin adecentar este histórico manancial esta Semana Santa”. A Plataforma lembra que centos de visitantes de toda Galicia alóxanse estes días no hotel Balneario de Mondariz e aproveitan para visitar e coñecer o patrimonio natural e cultural da vila balnearia: os paseos fluviais, os xardíns histócios e o patrimonio arquitectónico que debemos á creatividade de arquitectos como Jenaro de la Fuente ou Antonio Palacios, que chegaron a Mondariz da man da familia Peinador hai máis dun século.

    Click para ampliar

    A Fonte de Troncoso é un edificio de propiedade municipal grazas á unha resolución do Xulgado do Mercantil nº 5 de Madrid do pasado 23 de novembro de 2020.

    “Cando os visitantes chegan á parte visitable deste manancial, a fonte propiamente dita, que está cuberta por unha marquesiña –apunta a Plataforma SOS Fonte de Troncoso–, os agüistas atopan unha instalación sucia, desatendida e cuberta de follaxe e barro”. Consideran que esa non é a imaxe que debe proxectar a vila balnearia en ningún momento, en particular durante os períodos vacacionais polo que non atopan explicación “ao desleixo e abandono que sufre o patrimonio cultural de Mondariz Balneario”.

    Deber de conservación

    A Plataforma subliña o feito que as leis establecen a obriga dos propietarios/as de bens culturais a conservalos e mantelos en bo estado material, “así como o deber dos concellos a ordenar a execución de obras cando o estado das edificacións non sexa o axeitado. Así, a Lei 8/1995, do 30 de outubro, do Patrimonio Cultural de Galicia establece no seu art. 25:

    1. Os propietarios, posuidores e demais titulares de dereitos reais sobre bens integrantes do Patrimonio Cultural de Galicia están obrigados a conservalos, coidalos e protexelos debidamente para aseguraren a súa integridade e evitaren a súa perda, destrución ou deterioración.
    2. Os poderes públicos garantirán a protección, a conservación e o enriquecemento do Patrimonio Cultural de Galicia.”

    Xa que logo o Concello de Mondariz Balneario “está obrigado por lei a executar as medidas necesarias para conservar en boas condicións todos os seus inmobles, máxime se estes están protexidos pola Lei do Patrimonio Cultural en virtude dos seus valores históricos e arquitectónicos”, conclúe a Plataforma SOS Fonte de Troncoso.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS