18.9 C
Pontevedra
Luns, 27 de Setembro de 2021
Máis
    HomeO CondadoMondariz BalnearioA Escola de Restauración de Bens Culturais de Galicia pide medidas para...

    A Escola de Restauración de Bens Culturais de Galicia pide medidas para evitar a desaparición da Fonte de Troncoso

    A institución denuncia “a situación de emerxencia na que se atopa a Fonte de Troncoso” e dá o seu apoio á plataforma que reclama a súa rehabilitación

    A Escola Superior de Conservación e Restauración de Bens Culturais de Galicia considera “de vital importancia que se leve a cabo a consolidación das cabeceiras dos muros” da Fonte de Troncoso, en Mondariz Balneario, antes do inverno. A institución, a través dun informe asinado pola súa directora, Carmen Lorenzo Rivera, o 4 de novembro, insta á administración e á propiedade do edificio a “aplicar medidas de protección activas que garantan a conservación dos bens protexidos que formen parte do patrimonio cultural de Galicia se os titulares dos mesmos non o fan”.

    A dirección desta escola oficial, única en Galicia, visitou recentemente a Fonte de Troncoso convidada polos veciños e veciñas da vila. Desta forma puido observar in situ cal é o estado material deste edificio protexido pola lei en estado crítico. A petición da plataforma SOS Fonte de Troncoso, elaborou un informe técnico que a plataforma vai remitir de inmediato ao Concello de Mondariz Balneario, á Consellería de Cultura e Turismo da Xunta de Galicia e ao Fiscal Xeral do Estado, que abriu dilixencias informativas desde Madrid para coñecer o estado de conservación do edificio proxectado por Antonio Palacios, así como as accións que a Xunta de Galicia puxo en marcha para salvagardar este edificio de interese público.

    Estado de conservación deplorable

    A dirección da escola recorda que o edificio da fonte “atópase situada á beira do río Tea incluído na Rede Natura 2000 da Unión Europea, está incluída no Catálogo de Bens Culturais do Concello de Mondariz Balneario cun grao de protección integral e tamén no Plan Básico Autonómico aprobado pola Xunta de Galicia, porén, atópase nun estado de conservación deplorable.”

    Os profesores e profesoras da única escola oficial de conservación e restauración de bens culturais que existe en Galicia destacan tamén que “a marquesiña e as súas varandas modernistas de ferro forxado atópanse en moi mal estado de conservación”.

    “Dende a Escola Superior de Conservación e Restauración de Galicia, queremos denunciar a situación de emerxencia na que se atopa a Fonte de Troncoso construída por Antonio Palacios en Mondariz Balneario, e dar o noso apoio á Plataforma SOS Fonte de Troncoso na súa defensa do patrimonio e da cultura de Mondariz Balneario”, afirma no seu escrito a dirección do centro. “Esperamos que se tomen as medidas necesarias para evitar a perda dunha construción tan emblemática como a Fonte de Troncoso”, conclúe.

    Dado que a propiedade do inmoble, a empresa Fuentes Capital S.A (antes Fuentes de Mondariz SL), sociedade que se atopa en liquidación derivada dos autos de concurso ordinario 261/11 do Xulgado do Mercantil núm. 5 de Madrid, non cumpre coas obrigacións de conservación que sinala a Lei 5/2016 do Patrimonio Cultural de Galicia, en concreto o seu art. 32, desde a Plataforma SOS Fonte de Troncoso consideran “que é vital para a conservación do edificio que a administración actúe de forma subsidiaria e urxente realizando os traballos arriba citados”.

    O documento da Escola Superior de Conservación e Restauración de Bens Culturais de Galicia pode ser consultado nesta ligazón.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS