14.7 C
Pontevedra
Domingo, 5 de Febreiro de 2023
Máis
    HomeLouriñaO PorriñoVolve o Festival de Cans ao Porriño

    Volve o Festival de Cans ao Porriño

    O conselleiro de Cultura, Educación e Universidade, Román Rodríguez, presidiu a presentación da 18ª edición do Festival de Cans, onde defendeu o interese estratéxico destes eventos para o sector, así como para as localidades e comarcas nas que se celebran. Neste sentido, lembrou que o compromiso do Goberno galego cos festivais audiovisuais materialízase a través dunha liña específica de subvencións, que este ano incrementou o seu orzamento ata os 200.000 euros para contribuír á organización de 14 encontros en toda Galicia.

    Esta vía de apoio aos festivais enmárcase no programa anual de subvencións da Xunta ao audiovisual galego, que este ano distribuirá máis de 3,6 millóns de euros a través das seis convocatorias publicadas, entre as que tamén se atopan as dirixidas a producións e coproducións audiovisuais, desenvolvemento de proxectos, promoción do talento, difusión e comercialización en foros de negocio e certames internacionais e unha nova liña para as salas de exhibición cinematográfica.

    O equipo organizativo e os representantes das diferentes entidades e empresas colaboradoras do festival déronse cita no Torreiro das Estrelas de Cans para desvelar o programa que se desenvolverá nesta parroquia do Porriño do 1 ao 4 de setembro. Todos eles recibiron a felicitación do conselleiro por seguir impulsando esta “cita indispensable para a cultura galega” e mantendo intactos os seus valores diferenciais.

    Como sinalou, trátase dunha das citas adxudicatarias da devandita convocatoria de axudas, que en 2021 incrementou a súa dotación nun 5%, dándolle continuidade a unha tendencia ascendente segundo a que en 2020 xa experimentara un aumento do 11% respecto ao ano anterior. Esta medida, inserida no plan autonómico de reactivación do sector cultural, reforzouse ademais cunha serie de modificacións nas bases para tomar en consideración o esforzo dos festivais por manter a súa celebración, respectando estritamente ás esixencias sanitarias sen menoscabo da súa calidade.

    Recoñecemento ao conxunto do sector

    Román Rodríguez fixo especial fincapé neste traballo de adaptación ao novos modelos de difusión e de conexión co público, reaxustando datas e combinando accións en liña con formatos semipresenciais ou presenciais, entre outras medidas. Ao tempo, trasladoulle este recoñecemento ao conxunto do sector audiovisual, que definiu como “unha das pedras angulares das nosas industrias culturais” polo seu potencial creativo, pola valía dos seus traballadores e pola súa capacidade de conectar co gran público e de levar a imaxe de Galicia por todo o mundo. “Malia o duro golpe que supuxo esta pandemia, o audiovisual galego demostrou unha vez máis a súa fortaleza, sendo quen de manter o seu nivel de calidade e competitividade, lanzando estreas de gran relevancia ou acadando premios en festivais de primeiro nivel”, continuou.

    Exemplo de valentía

    Respecto ao Festival de Cans, subliñou o seu papel como escaparate da creatividade, dinamismo e calidade do sector en Galicia, ademais de como exemplo de valentía: desde os seus inicios, elixindo un emprazamento a priori pouco convencional para reivindicar o noso rural, a nosa identidade, a nosa cultura e o noso cine, ata o momento actual, no que a súa organización optou por redeseñar o formato e trasladalo a setembro para garantir a súa celebración de acordo cos protocolos sanitarios vixentes.

    Xunto coa selección de curtametraxes e demais proxeccións, como a estrea en salas de 9 Fugas de Fon Cortizo e a premiere absoluta El tiempo es libre de Fernando Epelde, sobresae no programa desde ano o recoñecemento a nomes claves do audiovisual galego e estatal actual co Premio Pedigree de Honra ao director e guionista Jorge Coira ou o Chimpín de prata ao actor Tamar Novas, entre outros. Destaca tamén o cartel musical, con Maika Makovski e Sés entre as citas principais, a estrea da nova sección Correspondencias para afondar na relación dos cineastas galegos cos doutros países, ou a retrospectiva dedicada ao brasileiro Kleber Mendoça, gañador do Premio do Xurado no Festival de Cannes (Francia) en 2019.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS