16.5 C
Pontevedra
Luns, 16 de Maio de 2022
Máis
    HomeLouriñaO PorriñoO xulgado acorda difundir o retrato por aproximación facial do home que...

    O xulgado acorda difundir o retrato por aproximación facial do home que faleceu nun pozo do Porriño

    A Garda Civil de Pontevedra, encargada da investigación, habilitou o teléfono 600 461 444 para recibir información sobre a identidade do falecido, que podería ser portugués

    O Xulgado de Instrución número 3 do Porriño, co obxectivo de lograr identificar o cadáver atopado o 21 de febreiro de 2021 no interior dun pozo dunha nave sen actividade do Cerquido (O Porriño), acordou publicar o retrato da vítima elaborado pola Unidade de Antropoloxía Forense do Instituto de Medicina Legal de Galicia (Imelga) mediante a técnica de aproximación facial. O corpo, que non puido ser identificado mediante métodos xenéticos, foi atopado polos empregados dunha empresa de reformas que ían realizar actuacións sobre a nave, que fora adquirida polo seu propietario un mes antes. 

    Os médicos forenses concluíron que o falecemento se produciu entre 2017 e 2020 e que o cadáver, que tiña signos de violencia, é dun home de entre 30 e 40 anos, cunha altura de ao redor de 1,75 centímetros e de complexión forte. Ademais, segundo as investigacións levadas a cabo pola Garda Civil de Pontevedra, existe a posibilidade de que a vítima fose un cidadán portugués, tanto pola proximidade coa fronteira como polo feito de que se atoparon no seu poder moedas de euro acuñadas nese país. 

    A Unidade de Antropoloxía Forense do Imelga utilizou neste caso unha técnica que permite realizar unha aproximación do rostro da vítima a partir das estruturas óseas faciais. A través deste procedemento, coa colaboración dunha artista forense, os expertos xeraron un retrato e un vídeo co rostro do falecido, os cales non pretenden ser unha reprodución fiel da persoa, senón só unha aproximación do seu rostro, coa intención de contribuír á súa identificación.

    No traballo de identificación tamén tivo un papel relevante o Instituto de Ciencias Forenses Luis Concheiro, da Universidade de Santiago de Compostela, que determinou que o falecido era de orixe europea e que tiña a pel branca, o pelo escuro e os ollos de cor mel.

    Os expertos superpuxéronlle variantes de pelo (longo, curto, con barba, sen barba) ao retrato xerado por aproximación facial co obxectivo de que algunha persoa recoñeza o rostro e colabore na investigación, dirixida polo Xulgado de Instrución número 3 do Porriño e desenvolvida pola Garda Civil de Pontevedra. Ademais do retrato, acordouse difundir a fotografía dunhas chaves dun vehículo antigo marca Renault e dunha chave convencional localizadas xunto ao cadáver. Se algunha persoa recoñece o rostro e/ou as chaves, se debe poñer en contacto coa Garda Civil de Pontevedra, a través do teléfono
    600 461 444, habilitado para recibir información sobre este caso.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS