14.5 C
Pontevedra
Luns, 21 de Xuño de 2021
Máis
    HomeLouriñaO PorriñoO PP do Porriño pide explicacións "sobre as continuas ausencias" da alcaldesa

    O PP do Porriño pide explicacións “sobre as continuas ausencias” da alcaldesa

    Os populares porriñeses salientan que "non se presentaron as baixa laborais e mantivo a totalidade do seu soldo"

    O Partido Popular do Porriño reclamou ao Secretario Municipal información detallada sobre as nóminas da alcaldesa ante o que os populares cualifican de “as súas continuas ausencias sen que conste baixa médica”. Segundo o portavoz popular, Alejandro Lorenzo, no que vai de ano “a rexedora asinou seis delegacións de competencias no primeiro tenente de alcalde”.

    Procede a enumerar o PP, a lista de ausencias sobre as que solicitan información ao secretario muncipal:

    • Dende o 27 de febreiro de 2020 ate o día 2 de marzo de 2020
    • Dende o 11 de marzo de 2020 ate o día 18 de marzo de 2020
    • Dende o 30 de abril de 2020 ate o día 14 de maio
    • Dende o 28 de maio de 2020 ate o día 11 de xuño
    • Dende o 3 de xullo de 2020 ate o 21 de xullo
    • Dende o día 25 de setembro ao día 4 de outubro de 2020

    Chaman a atención, ademáis que “é público e notorio que a rexedora se ausenta do seu posto de traballo habitualmente, en moitas ocasións sen delegar o exercicio das súas potestades en funcións”. Dende o que o PP cualifica de “máximo respecto á súa vida persoal”, consideran porén “inaceptable” que non se apliquen as baixas médicas ou non se presenten os partes de baixa “para manter o 100 % das súas retribucións”.

    “Se tal e como se indica nos decretos de delegación, a alcaldesa non acudiu ao seu posto de traballo por enfermidade ou por gardar un periodo de convalecencia por prescripción médica, como é posible que non se entreguen os partes de baixa ou non se aplique a baixa médica que corresponde?”, cuestiona o portavoz, Alejandro Lorenzo.

    Cabe destacar que as prestacións por incapacidade laboral estipulan que en caso de enfermidade común ou accidente non laboral, como sería o caso, percibiríase o 60 % da base reguladora dende o cuarto día de baixa ata o día 20, incluído, e o 75 % a partir do día 21.

    “Se a Alcaldesa non presentou a baixa médica e mantivo a totalidade do seu soldo estaríamos ante unha demasía nos pagos de nóminas, polo que vimos de requerir ao Secretario Municipal os pagos efectuados nas nóminas de alcaldía de febreiro a xullo deste ano”, explica Lorenzo.

    Para o edil a actitude da rexedora constitúe “unha falta de respecto á cidadanía” que non se pode soster máis no tempo. “Que Eva García deixou de lado as súas funcións como Alcaldesa habitualmente é algo por todos coñecido. Se está xustificado non poñemos obxeción algunha, pero facelo de maneira inxustificada é unha falta de respecto á institución que representa e polo tanto, aos veciños e veciñas do Porriño”, manifesta o o edil.

    Para o voceiro o proceder da rexedora, non só podería ser ilegal senón que amosa a súa falta de implicación co cargo que ostenta. “Incorporouse hai días tras semanas de ausencia ‘por convalencencia’ e onte mesmo volve delegar as súas funcións durante once días ‘por motivos persoais”, conclúe o edil, “cando un é o Alcalde dun Concello ten que ser respectuoso cos cidadáns aos que representa. Non pode decir que fala en nome dos porriñeses e porriñesas e non cumplir con eles”.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS